詩篇 20 - 現代台語譯本漢字版(TTVH)-闽南语

大闢的詩，交互聖樂長。祈求上帝

1願上主佇患難的日應答你；

願雅各的上帝給你囥佇高的所在保護你。

2願伊對聖所幫贊你，

對錫安扶持你。

3願伊會記得你一切的素祭，

接納你的燒化祭。

4願伊照你的心所愛賜互你，

成全你一切的計劃。

5阮欲因為你的得勝唱歌；

阮欲奉上帝的名慶祝你的勝利。

願上主成全你一切的祈求。

6今我知上主會救伊選立的王，

會對伊聖的天應答王；

用伊正手的氣力互伊大勝利。

7有人倚靠車，有人倚靠馬；

毋拘阮只有欲誇口上主 — 阮的上帝的名。

8𪜶會刣輸倒落去；

阮會刣贏徛在在。

9上主啊，求你互阮的王勝利；

阮求叫的時，求你應答。