詩篇 122 - 現代台語譯本漢字版(TTVH)-闽南语

𬦰崎上耶路撒冷的詩；大闢所做。為耶路撒冷求平安

1我真歡喜人招我講：

「咱來去上主的殿。」

2 耶路撒冷啊，

阮的腳已經踏入你的門內。

3 耶路撒冷建造做一個城，

全城整齊四配。

4諸個支族，就是上主的支族，

攏照為以色列制定的規例，

上去遐稱讚上主的名。

5因為佇遐有設立審判的寶座，

就是大闢家的寶座。

6著為耶路撒冷求和平；

願疼你的人攏享受安樂。

7願你的城內有和平；

願你的宮內有安樂。

8為著我的親人朋友，

我欲講：「願恁平安！」

9為著上主 — 咱的上帝的殿，

我欲為恁求福氣。