詩篇 141 - 現代台語譯本漢字版(TTVH)-闽南语

大闢的詩。夕拜的詩

1上主啊，我求叫你；

求你緊來幫贊我！

我求叫你的時，

求你俯耳孔聽我的聲。

2願我的祈禱親像香淐到你面前；

願我攑起的雙手，親像下昏時的祭祀受你接納。

3上主啊，求你約束我的嘴，

看守我嘴的門。

4求你毋通互我的心偏向邪惡，

及做歹的人鬥陣做歹；

毋通互我及𪜶仝桌飲食。

5寧可互義人用仁慈拍我，指正我，

嘛毋互歹人佇我頭殼抹油歡迎我。

雖然歹人做歹，猶久我欲繼續祈禱。

6𪜶的執政者受㧒落山崁，

𪜶就會知我的話是真實。

7親像土互犁犁散，

𪜶的骨頭會散甲歸墓口。

8至高的上主啊，我注目看你；

求你保護我免致到死亡。

9求你保護我免陷落𪜶給我設的羅網，

以及做歹的人的圈套。

10求你互歹人陷落家己的羅網，

互我安全脫離。