詩篇 124 - 現代台語譯本漢字版(TTVH)-闽南语

𬦰崎上耶路撒冷的詩；大闢所做。上主是咱的保護者

1 以色列著講：

「若毋是上主為咱，

2若毋是上主為咱，

人起來攻擊咱，

3對咱發受氣的時，

早就給咱活活吞落去。

4大水早就給咱沖走，

大湧早就淹密咱，

5兇狂的水早就給咱淹死。」

6咱著稱讚上主，

因為伊無將咱交互對敵拆食落腹。

7咱的性命親像鳥仔脫離掠鳥的人的羅網；

羅網破裂，咱得著逃脫。

8咱得著幫贊是靠上主的名；

伊是天地的創造主！