詩篇 114 - 現代台語譯本漢字版(TTVH)-闽南语

𨃟過節的歌

1 以色列人出埃及，

雅各的後代離開話語無像的人民；

2彼時猶大成做伊的聖所，

以色列做伊的國度。

3大海看見就逃走；

約旦河倒流。

4大山親像羊趒跳；

小山嘛親像羊仔子跳來跳去。

5大海啊，你是按怎逃走？

約旦河啊，你是按怎倒流？

6大山啊，你是按怎親像羊趒跳？

小山啊，你是按怎親像羊仔子跳來跳去？

7大地啊，你見著主的面，

見著雅各的上帝的面，著皮皮惙。

8伊互石磐變做水池，

互石巖變做水泉。