詩篇 54 - 現代台語譯本漢字版(TTVH)-闽南语

西弗人來對掃羅講：大闢豈毋是匿佇阮遐？彼時大闢做此首教示的詩，交互聖樂長；用弦的樂器伴奏。祈求保護

1上帝啊，求你因為你的名拯救我，

用你的權柄替我申冤。

2上帝啊，求你聽我的祈禱，

俯耳孔聽我所講的話。

3因為生份人起來攻擊我，

殘忍的人數想我的性命；

𪜶眼中無上帝。

4上帝確實是我的幫贊；

主是我的保護者。

5求你用我的對敵對我所做的歹給𪜶報應，

照你的信實給𪜶毀滅。

6我欲甘心樂意獻祭物互你；

上主啊，我欲感謝稱讚你的名，因為你是好。

7你有救我脫出一切的患難；

我有親目看著我的對敵滅亡。