1Mi rumannan, mira pa no ta boso tur ke bira maestro, pasobra manera boso mes sa, lo husga nos ku ta maestro mas severo ku e otronan.
2Nos tur ta kometé tur sorto di fayo. E hende ku no ta faya den loke e ta bisa ta un hende madurá, kapas di dominá henter su kurpa.
3Ora nos pone frena den boka di kabai pa e obedesé, nos por kontrolá henter kurpa di e kabai, hib'é kaminda nos ke.
4Mira e barkunan; nan ta asina grandi i bientu fuerte ta pusha nan, sinembargo ku un timon asina chikitu por nabegá nan i hiba nan kaminda e stürman ke.
5Esei tambe ta e kaso ku lenga di hende;Proverbionan 18:21; Sirag 5:13-14; 14:1; 19:4-16; 28:13-26; 37:18 e ta un parti chikitu di kurpa, pero ta broma ku hazaña grandi.
Mira kon un chispa asina chikitu por sende un mondi asina grandi na kandela.
6Wèl, lenga di hende ta manera chispa! Tin un mundu di maldat skondí tras di dje; e ta e parti ku ta kontaminá nos kurpa kompletamente. E ta sende henter kurso di nos eksistensia na kandela;Proverbionan 16:27 anto e mes, ta fièrnu ta send'é!
7Hende por i a hasi tur sorto di kriatura mansu, animal feros, para, bestia ku ta lastra abou i esnan di laman.
8Pero lenga sí nunka niun hende no por a dominá; lenga ta malbado, inkontrolabel i yená ku venenu mortal.
9Nos ta us'é pa alabá nos Señor i Tata, i tambe pa maldishoná hende, ku ta kreá segun imágen di Dios.Génesis 1:26
10Palabra di alabansa i di maldishon ta brota for di e mesun boka; rumannan, esei no por!
11Awa dushi ku awa brak pareu no ta brota for di e mesun bròn tòg?
12Mi rumannan, meskos ku palu di figo no por pari oleifi òf mata di wendrùif no por pari figo, asina bròn di awa brak tampoko no por produsí awa dushi. N' ta asina?
Sabiduria ku ta bini djariba13Kua di boso tin sabiduria i komprondementu? Lag'é demostrá esei pa medio di su bon kondukta i obranan ku ta mustra e humildat ku sabiduria ta duna.
14Pero ora envidia amargá boso kurason i aktua motivá pa ambishon egoista, no kana broma ku boso tin sabiduria i asina peka kontra bèrdat.
15E tipo di sabiduria ei no ta bini di Dios. E ta pertenesé na mundu; e no ta spiritual i ta bini di demoño.
16Kaminda tin hende ta envidiá otro i ta aktua motivá pa ambishon egoista, tin desòrdu i tur sorto di maldat.
17Esnan ku tin e sabiduria ku ta bini di Dios, na promé lugá ta hiba un bida puru. Tambe nan ta hende ku ta trese pas, hende amabel, habrí pa tende, yená ku kompashon, sin prehuisio òf hipokresia, i nan ta produsí un kosecha di bon obra.Proverbionan 1—9; Hakobo 1:5
18Hende di pas ta sembra pas promé, pa despues nan kosechá su frutanan, esta un kondukta ku ta agradá Dios.
Who We AreWhat We EelieveWhat We Do
2025 by iamachristian.org,Inc All rights reserved.
