Sirag 26 - Papiamentu Bible with DC 2013(PBDC13)

1Felis e hòmber ku tin un bon esposa,

su bida ta bira dòbel mas largu.

2Un muhé balente ta legria di su esposo,

esaki ta pasa su bida kontentu.

3Un bon muhé ta suerte,

un regalo di Señor pa esun ku ta respet'É.

4Sea ku e ta riku òf pober, e ta sintié kontentu,

semper e tin un sonrisa riba su kara.

Mal muhé i bon muhé (2)

5Tin tres kos ku mi tin miedu di dje,

pero prinsipalmente pa esun di kuater mi ta morto spantá:

redashi, bòmbòshi, kalumnia

— tur tres ta pió ku morto.

6Pero e kos di mas tristu

ta un muhé ku ta yalurs riba konkubina di su esposo.

Den tur e kuater kosnan akí mala lenga ta hunga un ròl.

7Un mal muhé ta manera un frena mal poné,

es ku purba drech'é ta manera esun ku ke gara un skarpion.

8Un muhé burachi ta algu ku ta pone hende kunsumí,

e no por tapa su bèrgwensa.

9Na mirada di un muhé bo ta ripará ku e ta infiel,

e manera ku e ta bira wowo ta bisa bo ken e ta.

10Tene un muhé kabes habrí bon na bista,

e promé chèns ku e haña, e ta probechá.

11Wak bon ora su mirada ta deskará

i no keda asombrá si e kòrta bo orea.

12Manera un biahero ku set e ta habri su boka

i bebe di tur awa ku e haña den serkania,

e ta kai sinta dilanti di tur pal'i tènt

i habri su koker pa tur flecha.

13Un esposa ku grasia ta enkanto di su esposo,

atenshon di e esposa ta ten'é bon salú.

14Un muhé ketu ta un regalo di Señor,

no tin plaka ku por paga un muhé bon eduká.

15Un muhé diskreto ta un bendishon sin igual,

no tin balansa ku por pisa balor di su puresa.

16Manera solo ta sali na shelu di Señor,

asina ta beyesa di e esposa perfekto den su kas bon na òrdu.

17Manera e lampi ta bria riba e kandelar sagrado,

asina bunitesa di su kara ta bria riba su estatura elegante.

18Manera pilánan di oro riba base di plata,

asina su pal'i pianan ta riba hilchi firme.PELIGERNAN DEN BIDA DI TUR DIAKasonan tristu

28Tin dos kos ku ta hasi mi tristu

i un di tres ku ta pone mi rabia:

hende riku ku ta bira pober,

hende inteligente tratá komo si fuera ta paña sushi,

i spesialmente e hende

ku ta bira lomba pa loke ta bon i ta kai den maldat:

e hende akí, Señor lo entreg'é na morto!Peligernan den negoshi

29Esta difísil pa un negosiante ta sin falta

i pa un komersiante ta sin piká!