Éksodo 21 - Papiamentu Bible with DC 2013(PBDC13)

Derechi di un katibu hebreo(Deuteronomio 15:12-18)

1SEÑOR a sigui: ‘Duna e israelitanan e siguiente reglanan tambe.

2Ora bo kumpra un katibu hebreo, e mester sirbi bo seis aña, pero e di shete aña bo mester lag'é liber sin ku e tin nada di paga.

3Si ta e so a bini, e mester bai e so tambe. Si e tabata kasá dia el a bini, e mester bai ku su kasá.

4Si su shon a dun'é un esposa i e katibu tin yu ku e muhé, e muhé i yunan ta keda propiedat di e shon. E ora ei e katibu mester bai e so.

5Pero si e katibu bisa bon kla ku e ta stima su shon, ku e ta stima su kasá i su yunan i e bisa ku e no ke ta liber,

6e shon ta obligá di pidi Dios para testigu. E shon mester pone e katibu kontra porta òf kontra kozein i bora su orea ku un opheto skèrpi i e katibu ta keda semper den su servisio.

7Si un hende bende su yu muhé komo katibu, e yu ei no ta bira liber manera un katibu hòmber ta bira liber.

8Si su shon ker a tum'é komo esposa, pero despues e no kai na agrado di e shon, e shon mester laga e famianan kumpr'é bèk. E shon no tin derechi di bende e muhé ku strañero, pasobra ta e mes no a kumpli ku su palabra.

9Si e shon a destin'é pa su yu hòmber, e shon mester trat'é meskos ku e ta trata su yu muhénan.

10Si e shon tuma un muhé mas aserka, e no mag duna e promé muhé ménos kuminda ni ménos paña. Tampoko e no mag drumi ménos kuné.

11Si e no kumpli ku e tres obligashonnan akí, e muhé mag bai lag'é sin tin nada di paga.

Regla kontra violensia

12Si un hende dal un otro hende mata, e mester haña kastigu di morto.

18Si dos hòmber bringa ku otro i esun dal e otro ku un piedra òf ku su moketa di tal manera ku e otro no ta muri pero mester keda na kama,

19esun ku a dal no ta haña kastigu si e otro lanta for di kama i kana atrobe i por kana pafó ku un garoti. Wèl e mester paga pa e tempu ku e otro a hañ'é obligá di tuma sosiegu i e mester paga tur gastu di rekuperashon.

20Si un hende bati su katibu, hòmber òf muhé, ku palu mata, mester kastig'é.

21Pero si e katibu keda biba un òf dos dia mas, no ta kastig'é, komo ku e pèrdida di propiedat ya ta sufisiente kastigu.

22Si dos hende hòmber ta bringa ku otro, i un di nan stot un muhé na estado, di manera ku e muhé ta pèrdè su yu, pero no ta haña otro leshon, e hòmber kulpabel mester paga but. Kasá di e muhé ta disidí kuantu e but mester ta i hues ta sòru pa e kulpabel paga.

23Pero si e muhé sufri otro leshon, e siguiente regla ta konta: bida pa bida,

24wowo pa wowo, djente pa djente,Levítiko 24:19-20; Deuteronomio 19:21; Mateo 5:38 man pa man, pia pa pia,

25kimá pa kimá, herida pa herida, marka di sla pa marka di sla.

26Si un hende dal su katibu, hòmber òf muhé, den su wowo i esaki pèrdè su bista, e hende mester laga e katibu liber komo pago pa e wowo.

27Si e dal su katibu, hòmber òf muhé, bula un djente, e mester lag'é liber komo pago pa e djente.

28Si un toro hinka un hòmber òf un muhé mata, mester bati e toro ku piedra mata i no mag kome su karni. Doño di e bestia no tin falta.

29Pero si e toro a yega di ataká hende kaba i e doño, ounke atvertí, no a tuma medida, mester bati e toro ku piedra mata, pero mester mata e doño tambe.

30Si na lugá di kastigu di morto nan dun'é un but, e mester paga tur loke nan eksigí, pa asina e salba su bida.

31Mesun regla ta konta ora e toro hinka un mucha hòmber òf mucha muhé mata.

32Pero si e hinka un katibu, hòmber òf muhé, mata, e doño mester paga e shon trinta moneda di plata, i mester bati e toro ku piedra mata.

33Si un hende kita tapa for di un pos òf un hende koba un pos sin tap'é i un baka òf buriku kai aden,

34doño di e pos mester paga tur daño, pero kadaver di e bestia ta keda p'e.

35Si un toro hinka toro di un otro hende mata, e doñonan mester bende e toro bibu. Kaba nan ta parti e sèn i e toro morto den nan dos.

36Pero si tabata konosí ku e toro a yega di ataká kaba, i tòg e doño a keda sin vigil'é, e mester duna un otro toro na lugá; kadaver di e bestia ta keda p'e.