Salmo 52 - Papiamentu Bible with DC 2013(PBDC13)

SALMO 52Mal hende no tin bidaPa maestro di kanto. Komposishon di David. Ora Doeg, di Edom, a laga Saul sa: David a drenta kas di Ahimelèk. pèrdishon

— bo lenga un nabaha mulá —

sakadó di mentira!

3Bo gusta maldat mas ku bondat,

engaño mas ku honrades.

4Daña kos ku bo palabra bo gusta,

lenga mentiroso!

5Ma Dios lo kibra bo pa kaba,

kohe bo lastra fo'i bo tènt,

lo E saka bo rais afó, ranka bo

for di tera di bibunan.

6Hende drechi lo mira, ku temor,

i lo hari un hende asina:

7‘Ata e hòmber ku no a tuma Dios

pa fortalesa di su bida,

ku a stèns riba tur su rikesanan,

birando semper pió.’

8Ma ami, manera oleifi bèrdè

den kas di Dios,

mi ta konfia den Dios su bondat

tur ora, pa semper.

9Mi ke alabá Bo eternamente,

pasobra Abo a hasié,

i proklamá bo nòmber glorioso

den presensia di bo fielnan.