Salmo 142 - Papiamentu Bible with DC 2013(PBDC13)

SALMO 142Abo ta tur loke mi tin den mi bidaPoema didáktiko di David, ora e tabata den kueba. Un orashon.1 Samuel 22:1; 24:3

1Ku bos altu mi ta sklama na SEÑOR,

ku bos duru mi ta grita ousilio

2ta deshogá mi kurason serka djE,

dun'É di konosé tur mi anshanan.

3Mi kurason por ta serka di kai,

ma Abo, SEÑOR, sa unda mi ta bai.

Den e kaminda ku m'a kana

nan a skonde un trampa pa mi.

4Mi ta mira pariba, keda mira,

ningun hende n' ta hasi kaso di mi;

ningun kaminda un lugá pa mi skonde,

ningun hende ku ta buska mi drechi.

5SEÑOR, mi ta sklama na Bo,

mi ta bisa Bo: ‘Bo ta mi refugio,

Bo ta tur loke mi tin den mi bida.’

6Hasi kaso di mi gritu di ousilio,

pasobra mi a pèrdè tur forsa.

Libra mi di esnan ku ta mi tras,

nan ta muchu mas fuerte ku mi.

7Saka mi fo'i dje pèrtá ku mi ta aden,

pa mi bolbe alabá bo nòmber.

Tur bon hende lo bin rondoná mi,

despues ku Bo a trata mi ku bondat.