Salmo 99 - Papiamentu Bible with DC 2013(PBDC13)

SALMO 99SEÑOR ta e rei di mas santu

1SEÑOR ta Rei! — Laga pueblonan tembla.

Kerubinnan ta su trono! — Laga tera sakudí.

2SEÑOR ta grandi riba Seru di Sion,

E ta altu elevá riba tur nashon.

3Bo nòmber grandi i mahestuoso sea alabá:

‘Ta santu E ta!’

4Rei den su poder ta stima hustisia,

t'Abo a fiha derecho imparsial!

B'a trata yunan di Yakob ku hustisia i derecho.

5Alsa SEÑOR nos Dios,

kai abou na pia di su trono:

‘Ta santu E ta!’

6Moises i Aaron tabata su saserdote,

Samuel un di esnan ku a yama su nòmber:

nan a sklama na SEÑOR i El a kontestá nan.

7Fo'i den kolumna di nubia El a papia ku nan

i nan a kumpli ku e òrdunan i e lei k'El a pone.

8SEÑOR, nos Dios, Bo a duna nan kontesta;

Bo tabata pa nan un Dios di pordon,

pero tambe Un ku ta venga nan maldatnan.

9Alsa SEÑOR nos Dios,

kai abou dilanti di su seru santu:

‘Santu ta SEÑOR, nos Dios!’