1SEÑOR, bo poder ta yena rei ku alegria,
kon kontentu e ta ku e viktoria ku B'a duna!
2Bo a kumpli k'e deseo hundu den su kurason,
Bo no a neng'é loke su boka a pidi.
3Bo a akoh'é ku bendishonnan presioso,
Bo a bistié korona di oro puru.
4Ta bida el a pidi: ata B'a dun'é,
un bida largu, un bida duradero!
5Su realse ta grandi ya ku Bo a proteg'é,
Bo a bistié ku dignidat i splendor;
6komo Bo a konsed'é bo bendishon pa tur tempu,
bo presensia ta yena su alma ku alegria.
7Pasobra rei ta pone su konfiansa den SEÑOR,
pa bondat di Dios Altísimo e no ta tambaliá.
8Mare bo man por bati tur bo enemigunan,
mare bo man drechi dal tur ku ta odia bo!
9Pega nan na kandela manera un fòrnu,
dia ku bo reis riba nan.
SEÑOR lo devorá nan den su furia,
kandela lo kome nan tur.
10Pone tur nan yunan disparsé fo'i riba mundu,
tur nan desendientenan fo'i entre hende.
11Maske nan ta plania pa hasi bo un kos malu,
maske nan ta kònkel kontra bo, nan lo no logra,
12pasobra bo ta pone nan bira, hui bai,
bo ta arma bo bog, kla pa tira riba nan.
13Lanta ariba, SEÑOR, ku bo forsa!
Nos lo kanta i selebrá bo poder!
Who We AreWhat We EelieveWhat We Do
2025 by iamachristian.org,Inc All rights reserved.
