1 Reinan 15 - Papiamentu Bible with DC 2013(PBDC13)

Abías, rei di Huda(2 Krónikanan 13:1-22)

1Den e di diesocho aña ku Yerobeam, yu di Nebat, tabata rei na Israel, Abías a bira rei di Huda.

2El a goberná tres aña na Herusalèm. Su mama Maaka tabata yu di Absalon.

3Abías tabata hasi mesun pikánan ku su tata tabata hasi. E no tabata dediká su mes di henter su kurason na SEÑOR, su Dios, manera su antepasado David.

4SEÑOR Dios ker a tene rekuerdo di David bibu, p'esei El a duna Abías un yu hòmber pa siguié riba trono na Herusalèm1 Reinan 11:36 i asina mantené Herusalèm komo siudat di rei,

5pasobra semper David a hasi loke tabata drechi den bista di SEÑOR. Nunka den su bida David no a keda sin hasi loke SEÑOR a orden'é, ku eksepshon di e kaso di e hetita Urías.2 Samuel 11:1-27

6E guera entre Rehabeam i Yerobeam a sigui durante bida di Abías.

7Sobrá historia di Abías i tur loke el a hasi ta skibí den buki di krónika di reinan di Huda. Tabatin guera entre Abías i Yerobeam.2 Krónikanan 13:3-21

8Abías a bai sosegá serka su antepasadonan i a der'é na Siudat di David. Su yu Asa a siguié komo rei.

Asa, rei di Huda(2 Krónikanan 14:1-5; 15:16—16:14)

9Den e di binti aña ku Yerobeam tabata rei na Israel, Asa a bira rei di Huda.

10Asa a goberná 41 aña na Herusalèm. Su wela Maaka tabata yu di Absalon.

11Asa a hasi loke ta bon den bista di SEÑOR, meskos ku su antepasado David a hasi.

12El a saka tur e hòmbernan ku tabata praktiká prostitushon na honor di e diosnan falsu for di e pais i a kita tur e imágennan di e diosnan ku su antepasadonan a traha.2 Krónikanan 15:8-15

13Asta el a kita e puesto di reina mama for di su wela Maaka, pasobra Maaka a traha un imágen mashá repugnante di Astarte. Asa a kap e imágen ei na pida pida i a kim'é den vaye di Kidron.

14Ounke e no a kita e seritunan di sakrifisio, tòg henter su bida el a dediká su mes di henter su kurason na SEÑOR.

15Regalonan ku su tata i e mes a konsagrá na SEÑOR el a hiba tèmpel: plata, oro i ophetonan di uso.

16Kontinuamente tabatin guera entre Asa i Basha, rei di Israel.

17Basha, rei di Israel, a sali pa bringa kontra Huda i el a reforsá siudat Rama pa stroba tur hende di drenta òf di sali for di teritorio di Asa, rei di Huda.

18Pa e motibu ei Asa a entregá tur e plata i e oro ku a sobra den palasio i den e kambernan di tesoro di tèmpel di SEÑOR na su sirbidónan. Rei Asa a manda nan pa rei Bèn-Hadad di Aram, yu di Tabrimon i ñetu di Hèzion, ku tabatin su residensia na Damasko. El a manda e siguiente rospondi p'e:

19‘Tin un kombenio entre ami ku bo, manera tabatin entre mi tata ku bo tata. Aki mi ta manda oro i plata komo regalo pa bo. Awèl kibra e kombenio ku bo tin ku Basha, rei di Israel, pa e laga mi na pas.’

20Bèn-Hadad a bai di akuerdo ku rei Asa i el a ordená e komandantenan di su trupanan ataká e siudatnan di Israel. Asina el a konkistá Iyon, Dan, Abel-Bet-Maaka, henter e region di Kinerèt i tambe henter teritorio di Naftali.

21Na momento ku Basha a tende e notisia, el a stòp di reforsá Rama i a bai su residensia na Tirsa bèk.

22Rei Asa a yama tur hende di Huda pa trabou obligatorio. E no a hasi eksepshon pa ningun hende. El a laga kita e piedranan i e palunan ku rei Basha a reforsá Rama kuné i ku nan el a reforsá e siudatnan Gueba na Benhamin i Mispa.

23Sobrá historia di Asa, su hazañanan, tur loke el a hasi, e siudatnan ku el a konstruí, ta skibí den buki di krónika di reinan di Huda. Na su behes su pianan a kuminsá molesti'é.

24Asa a bai sosegá serka su antepasadonan i a der'é serka nan den siudat di su antepasado David. Su yu Yoshafat a siguié komo rei.

Nadab, rei di Israel

25Den e di dos aña ku Asa tabata rei na Huda, Nadab, yu di Yerobeam, a bira rei na Israel. El a goberná dos aña na Israel.

26Nadab a hasi loke ta malu den bista di SEÑOR. El a sigui ehèmpel di su tata i a kometé e mesun pikánan ku su tata a pone Israel hasi.

27Pero Basha, yu hòmber di Ahías di tribu di Isakar, a traha un kòmplòt kontra Nadab. El a dal e mata na Guibton, un siudat ku tabata pertenesé na e filisteonan. Esaki a sosodé ora Nadab i henter ehérsito di Israel tabata sitia Guibton.

28Basha a mata Nadab den e di tres aña ku Asa tabata rei na Huda i el a bira rei na su lugá.

29E no a kaba di bira rei ku el a mata henter famia real di Yerobeam. Manera SEÑOR a bisa pa boka di su sirbidó Ahías di Silo, el a kaba ku tur hende di famia di Yerobeam, e no a laga ningun keda na bida.1 Reinan 14:10

30Esei a sosodé pasobra Yerobeam a provoká SEÑOR, e Dios di Israel, ku e pikánan ku el a hasi i ku el a pone Israel hasi.

31Sobrá historia di Nadab i tur loke el a hasi ta skibí den buki di krónika di reinan di Israel.

32Tanten nan tabata na bida tabatin guera kontinuamente entre Asa i Basha, rei di Israel.

Basha, rei di Israel

33Den e di tres aña ku Asa tabata rei na Huda, Basha, yu di Ahías, a bira rei di Israel. Su residensia tabata na Tirsa i el a keda 24 aña na mando.

34El a hasi loke ta malu den bista di SEÑOR. El a sigui ehèmpel di Yerobeam i a kometé mesun pikánan ku Yerobeam a pone Israel hasi.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help