1Aki ta sigui lista di e israelitanan ku tabata den sirbishi di rei: kabesnan di famia, òfisirnan di alto rango i di rango mas abou, i atministradónan. Nan funshon tabatin di aber ku e divishonnan di ehérsito ku bùrt pa bùrt mester a subi warda pa un luna, miéntras ku un otro tabata baha. Kada divishon tabata konsistí di 24.000 hòmber.
2Yashobeam, yu di Zabdiel, di famia Pèrèsh, tabata komandante di e promé divishon di 24.000 hòmber ku mester a presentá den e promé luna.
3E tabata na kabes di tur e komandantenan di ehérsito.
4Dodai, di famia Ahoag, tabata komandante di e di dos divishon di 24.000 hòmber ku mester a presentá den e di dos luna. Miklot tabata e òfisir di rango mas altu den divishon di Dodai.
5Benayahu, yu di saserdote Yoyada, tabata komandante di e di tres divishon di 24.000 hòmber ku mester a presentá den e di tres luna.
6Benayahu tabata un di e trinta balentenan; tempu el a bira kabes di e grupo su yu Amizabad a tuma mando di su divishon over.
7Asael, ruman di Yoab, tabata komandante di e di kuater divishon di 24.000 hòmber, ku mester a presentá den e di kuater luna. Despues su yu Zebadías a bira komandante na su lugá.
8Shamhut, desendiente di Yisrag, tabata komandante di e di sinku divishon di 24.000 hòmber ku mester a presentá den e di sinku luna.
9Ira, yu di Ikesh di Tekoa, tabata komandante di e di seis divishon di 24.000 hòmber ku mester a presentá den e di seis luna.
10Hèlès di Bet-Pèlèt, di tribu di Efraim, tabata komandante di e di shete divishon di 24.000 hòmber ku mester a presentá den e di shete luna.
11Sibkai di Husha, di famia Zèrag, tabata komandante di e di ocho divishon di 24.000 hòmber ku mester a presentá den e di ocho luna.
12Abiezèr di Anatot den region di Benhamin, tabata komandante di e di nuebe divishon di 24.000 hòmber ku mester a presentá den e di nuebe luna.
13Marai di Netofa, di famia Zèrag, tabata komandante di e di dies divishon di 24.000 hòmber ku mester a presentá den e di dies luna.
14Benayahu di Piraton den region di Efraim, tabata komandante di e di diesun divishon di 24.000 hòmber ku mester a presentá den e di diesun luna.
15Hèldai di Netofa i un desendiente di Otniel, tabata komandante di e di diesdos divishon di 24.000 hòmber ku mester a presentá den e di diesdos luna.
Kabesnan di tribu16Na kabes di Israel tabata:
di tribu di Ruben:
Eliezer, yu di Zikri;
di Simeon:
Shefatías, yu di Maaka;
17di Levi:
Hashabías, yu di Kemuel;
di Aaron:
Sadok;
18di Huda:
Elihu, un ruman di David;
di Isakar:
Omri, yu di Mikael;
19di Zebulon:
Yishmaías, yu di Obadías;
di Naftali:
Yerimot, yu di Azriel;
20di Efraim:
Hosea, yu di Azaziahu;
di Manase, parti wèst:
Yoel, yu di Pedaías;
21di Manase, parti ost:
Yido, yu di Zekarías;
di Benhamin:
Yaasiel, yu di Abner;
22di Dan:
Azarel, yu di Yeroham.
Nan tabata lider di e tribunan di Israel.
23David no a laga konta e hòmbernan di binti aña òf mas hóben, pasobra SEÑOR a primintí ku lo E hasi pueblo di Israel mes tantu ku strea na shelu.Génesis 15:5; 22:17; 26:4
24Sí t'asina ku Yoab, yu di Seruya, a kuminsá ku un senso, pero e no a kaba, pasobra SEÑOR a bira furioso riba e asuntu ei i a kastigá Israel.2 Samuel 24:1-15; 1 Krónikanan 21:1-14 P'esei no a nota e kantidat ei den lista di krónika di rei David.
Wardadónan di propiedat real25Azmawèt, yu di Adiel, tabatin e depósitonan real na Herusalèm na su enkargo; Yonatan, yu di Uzías, tabatin e depósitonan den kunuku, den siudatnan, den pueblonan i den e torennan di defensa na su enkargo.
26Ezri, yu di Kelub, tabata na kabes di e trahadónan den kunuku.
27Shimi di Rama tabatin e kunukunan di wendrùif na su enkargo.
Zabdi di Shefam tabatin e depósitonan di biña pa yena boko na su enkargo.
28Baal-Hanan di Guèdèr tabatin e palunan di oleifi i e figonan shimaron den Sabana di Shefela na su enkargo.
Yoash tabatin e depósitonan di warda zeta di oleifi na su enkargo.
29Shitrai di Sharon tabatin e bestianan di kria na Sharon na su enkargo.
Shafat, yu di Adlai, tabatin e bestianan di kria den e vayenan na su enkargo.
30Obil di Ismael tabatin e kamelnan na su enkargo.
Yègdeyahu di Meronot tabatin e burikunan muhé na su enkargo.
31Yaziz di tribu di Hagar tabatin e karnénan i e kabritunan na su enkargo.
Tur e personanan akí tabata enkargá ku kuido di propiedat real.
E hendenan mas yegá di David32Yonatan, tio di David, tabata un konsehero inteligente, e tabata sekretario tambe;
Yehiel, yu di Hakmoni, tabata enkargá ku enseñansa di e prínsipenan.
33Ahitofèl tambe tabata konsehero di rei.
E arkita Hushai tabata amigu i hende di konfiansa di rei.
34Despues di morto di Ahitofèl, Yoyada, yu di Benayahu, i Abyatar, a remplas'é.
Yoab tabata komandante di ehérsito.
Who We AreWhat We EelieveWhat We Do
2025 by iamachristian.org,Inc All rights reserved.
