Barug 3 - Papiamentu Bible with DC 2013(PBDC13)

1Señor Todopoderoso, Dios di Israel, un kurason anshá i un spiritu flihí ta sklama na Bo.

2Skucha, Señor, i tene mizerikòrdia, pasobra nos a peka kontra Bo.

3Abo ta sintá riba bo trono pa semper, i nos tur ora bai ta na punto di muri.

4Señor Todopoderoso, Dios di Israel, skucha súplika di e israelitanan morto na bida, yunan di esnan ku a peka kontra Bo i no a hasi kaso di Bo, Abo, nan Dios i Señor, i ta p'esei tantu kos malu a toka nos.

5No kòrda maldat di nos antepasadonan, kòrda awor mas bien bo poder i bo nòmber.

6Abo ta Señor nos Dios i nos ta alabá Bo, Señor.

7Bo a hinka rèspèt pa Bo den nos kurason, pa nos por invoká Bo. Nos lo alabá Bo awor ku nos ta den eksilio, pasobra nos a alehá for di nos kurason tur maldat di nos antepasadonan ku a peka kontra Bo.

8Ata nos awor den eksilio, den e lugá kaminda Bo a plama nos, kubrí ku ofensa i maldishon i pasando kastigu pa tur maldat di nos antepasadonan,

kon yena bo bida ku lus i ku pas.

Sabiduria inaksesibel

15Ken sa unda sabiduria ta biba,

ken a logra drenta den su mangasina?

16Akaso ta e gobernantenan di nashonnan,

ku tabata manda riba bestia di mondi

17i hunga ku para di shelu?

O akaso ta e hendenan riku ku a montoná

oro i plata, konfiansa di hende,

i ku tabatin rikesanan ilimitá?

18Podisé ta artista ku a krea di plata

obranan ku ta surpasá imaginashon di hende?

19Nan tur a disparsé den reino di morto

i otro a tuma nan lugá.

20Un generashon nobo a mira lus

i a establesé su mes na mundu,

pero e kaminda pa sabiduria e no a haña.

21Nan no a deskubrí unda e tabata

ni nan no por a pone man riba dje,

i nan susesornan a desviá mas ainda fo'i e kaminda.

22Na Fenisia sabiduria tabata deskonosí,

na Teman el a keda invisibel.

23Asta e arabirnan, kolekshonista di siensia tur kaminda,

e komersiantenan di Midian i di Teman,

e inventornan di dicho, buskadó di bèrdat,

niun no a logra haña kaminda pa sabiduria

ni no por a deskubrí su paradero.

24Israel, esta grandi morada di Dios ta,

esta ekstenso e propiedat ku ta pertenesé n'E!

25Grandi, sin límite, altu i inmenso!

26Un ten tambe tabatin gigante,

hòmbernan famá, di estatura altu,

eksperto den guera.

27Pero Dios no a skohe nan

ni mustra nan e kaminda pa sabiduria.

28I pasobra nan tabata hende sin sintí,

nan a muri pa nan bobedat.

29Ken a subi bai shelu

pa buska sabiduria?

Ken a hal'é bini abou kuné

for di riba nubia?

30Ken a krusa laman pa deskubrié aya?

Ken por a kumpr'é ku e oro di mas puru?

31No tin niun hende ku konosé e kaminda p'e,

ku tin idea unda e ta alohá.Solamente Dios konosé sabiduria i a dun'é na Israel

32Esun ku sa tur kos, E sí konos'é,

su saber a deskubrié.

Dios a krea mundu pa e dura pa semper

i ku bestia El a pobl'é.

33Lus ta sali bai ora E mand'é,

temblando e ta obedesé ora E bolbe yam'é.

34Streanan ta bria kontentu di nan,

kada un na su mes lugá.

35E ta yama i tur ta rospondé: ‘Ata nos akí!’

Ku legria nan ta bria pa nan Kreador.

36T'Esei ta nos Dios: E n' tin igual!

no tin niun otro igual kunÉ.

37El a penetrá kamindanan di siensia,

duna Yakob, su sirbidó, sabiduria

i konfi'é na Israel, su yu bien stimá.

38Despues e sabiduria a aparesé riba mundu

i a biba meimei di hende.