1Durante reinado di Esar-Hadon mi a bini kas bèk i tabata huntu ku mi kasá Ana i mi yu Tobias atrobe. Nan a prepará un kuminda dushi na mi honor riba dia di fiesta di kosecha, shete siman despues di Pésag.
Mi a basha gritu di yoramentu.
7Ora solo a drenta, mi a koba un graf i dera e morto.
8Mi bisiñanan a hasi bofon di mi, nan a bisa: ‘Bia pasá nan tabata busk'é pa mata pa loke e ta hasi, i el a skapa; i ainda e no a haña skremènt! At'é atrobe ta dera morto!’
9E anochi ei mi a dal un bon baño, sali for di mi kas i bai drumi kabes sunú kantu di muraya di kurá, pasobra tabata hasi kalor.
10Mi no tabata sa ku chuchubinan a traha nèshi riba mi kabes na e muraya. Un chuchubi a laga sushi kayente kai den mi wowo. Mi a haña un flishi blanku riba mi wowo. Mi a bai diferente dòkter, pero niun no por a kura mi. Pero mas mi hunta remedi, mas skur mi wowonan tabata bira pa motibu di e flishinan, te ku mi a pèrdè mi bista kompletamente. Mi a keda kuater aña sin por a mira. Tur mi famianan tabatin duele di mira den ki estado mi tabata. Ahiakaro a yuda mi finansieramente durante dos aña te dia el a bai e provinsia Elam.
11E ora ei Ana, mi kasá, a purba di gana algu ku trahamentu di obra di man.
12Regularmente e tabata entregá e produktonan na su klientela i nan tabata pag'é su suèldu. Un dia, e di shete dia di luna di Distro, el a kaba un obra i a entreg'é na su klientenan. Nan a pag'é tur su sèn i a dun'é un lamchi chubatu di kabritu pa nos kome.
13E lamchi a kana bini serka mi i a kuminsá guièrta. Mi a yama Ana i a puntr'é: ‘Unda bo a sali ku e lamchi di kabritu ei? Hòrta bo a hòrt'é? Hib'é bèk pa su doño, pasobra ta prohibí pa kome kos hòrtá.’
14El a kontesta: ‘Ta un regalo ku nan a duna mi huntu ku mi pago.’ Pero mi no a ker'é i mi a insistí pa e duna e doñonan e lamchi bèk. Mi tabatin bèrgwensa di loke el a hasi. Pero el a benta na mi kara: ‘Kiko bo a gana ku bo obranan di karidat i ku tur bo bondat? Ata loke bo a gana ku nan!’
Who We AreWhat We EelieveWhat We Do
2025 by iamachristian.org,Inc All rights reserved.
