1Duna gloria, no na nos, SEÑOR,
no na nos, sino na bo nòmber
pa motibu di bo amor i fieldat,
2pa paganonan no tin ku bisa:
‘Na unda nan Dios ta porfin?’
3Nos Dios? Ta den shelu E ta!
Kiko ku E ke E ta hasi.
4Nán diosnan ta blo plata i oro,
kosnan trahá pa man di hende.
5Nan tin boka — ma nan no por papia,
nan tin wowo — ma nan no por mira;
6orea nan tin — ma no por tende,
nanishi tambe — ma nan no por hole;
7nan tin man — ma nan no por fula,
nan tin pia — ma tòg nan n' por kana,
fo'i nan garganta nan n' por saka zonido.
8Enditu sea esnan ku a traha nan,
sí, tur esnan ku ta konfia riba nan.
9Israelitanan, konfia den SEÑOR!
— Nan yudansa, nan eskudo E ta! —
10Saserdotenan, konfia den SEÑOR!
— Nan yudansa, nan eskudo E ta! —
11Tur ku ta sirbi SEÑOR, konfia den djE!
— Nan yudansa, nan eskudo E ta! —
12SEÑOR ta kòrda riba nos,
sigur l'E bendishoná nos,
bendishoná pueblo di Israel,
bendishoná tribu di Aaron,
13bendishoná tur ku ta sirbi SEÑOR,
chikitu no ménos ku grandi.
14Mare SEÑOR hasi boso numeroso,
numeroso, boso mes i boso yunan.
15Bendishoná sea boso pa SEÑOR,
ku a traha shelu i tera.
16Shelu, esei ta di SEÑOR,
pero tera El a duna hende.
17N' ta mortonan ta gaba SEÑOR,
ningun di nan ku a baha bai Silensio.
18Ma nos sí ta alabá SEÑOR
for di awor te den tur eternidat.
Alabá sea SEÑOR!
Who We AreWhat We EelieveWhat We Do
2025 by iamachristian.org,Inc All rights reserved.
