1Duna mi hustisia, SEÑOR,
mi a hiba un bida inosente;
mi a pone mi konfiansa den SEÑOR,
sin basilá ningun momento.
2Listra mi, SEÑOR, saminá mi,
tèst mi kurason, mi konsenshi.
3Mi a pone bo bondat dilanti,
mi a biba segun bo bèrdat.
4Mi no ta sinta ku hende falsu,
mi no ta anda ku esnan ku ta trastia.
5Mal kompania ta yena mi ku asko,
mi n' ta bai sinta den tou di malechor.
6Ami por laba man den inosensia,
te pasa rònt di bo altá, SEÑOR,
7pa kanta bo alabansa na bos altu
i pa konta di tur bo milagernan.
8SEÑOR, mi ta stima e kas,
kaminda Bo tin bo bibá,
e lugá di biba di bo gloria.
9No benta mi afó ku malechornan,
ni mi bida huntu ku asesinonan
10ku tin krímennan pegá na nan man
i nan man drechi yen di plaka mal ganá.
11Ami ke hiba un bida inosente,
salba mi, mustra mi kompashon!
12Mi pia ta plantá den tera firme.
Lo mi bendishoná SEÑOR
den gran reunion di su pueblo.
Who We AreWhat We EelieveWhat We Do
2025 by iamachristian.org,Inc All rights reserved.
