1 Krónikanan 11 - Papiamentu Bible with DC 2013(PBDC13)

David ta bira rei na Hebron(2 Samuel 5:1-3)

1Despues henter Israel a reuní serka David na Hebron i a bisa: ‘Mira, nos ta di mes sanger.

2For di tempu ku Saul tabata nos rei ya bo tabata esun ku tabata bai guera ku Israel i bini bèk. Ademas SEÑOR, bo Dios, a primintí ku t'abo lo ta wardadó i gobernador di su pueblo, Israel.’

3Ora tur e ansianonan di Israel a bai Hebron serka rei David, el a sera un pakto ku nan, ku SEÑOR komo testigu. E ora ei nan a konsagrá David komo rei di Israel, manera SEÑOR a ordená pa medio di profeta Samuel.

David ta kapturá Herusalèm(2 Samuel 5:6-10)

4David i henter Israel a sali bai Herusalèm, tambe yamá Yebus, kaminda e yebusitanan, mas balente, esun ku na un okashon a ataká 300 hòmber ku su lansa i a derotá nan den un tiru.

12Despues ta sigui Eleazar, yu hòmber di Dodo, di famia Ahoag. E tabata e di dos den e tres héroenan.

13E tabata huntu ku David na Pas-Damim, kaminda tabatin un kunuku yen di sebada. E filisteonan a bini huntu einan pa bringa kontra e israelitanan. Ora e israelitanan a hui bai pa nan,

14David i Eleazar a bai para meimei di e kunuku i a sa di defend'é i a derotá e filisteonan. Asina SEÑOR a duna nan un gran viktoria.

15Ainda tabatin tres mas. Nan tabata forma parti di e trinta òfisirnan ku a bai na un baranka kaminda David tabata banda di e kueba di Adulam, ounke tabatin un kampamentu di e ehérsito filisteo den vaye di Refaim.

16-17David tabata den su spelònk altu den seru. Un momento dado el a ekspresá e deseo: ‘Mare un hende por duna mi poko awa di bebe for di e pos ku tin serka di e porta di Betlehèm.’ Pero aya na Betlehèm tabatin un pòst di e filisteonan.

18E ora ei e tres balentenan akí a penetrá pasa dor di e filanan filisteo i a saka awa for di e pos ku tin serka di e porta di Betlehèm. Nan a hiba e awa pa David, pero David no ker a beb'é; el a bash'é komo ofrenda na SEÑOR.

19El a bisa: ‘Dios warda mi di hasi un kos asina. Ta manera bebe sanger di e tres hòmbernan akí ku a riska nan bida pa trese e awa.’ P'esei e no ker a beb'é. Kosnan asina e tres balentenan akí tabata hasi.

20Abishai, ruman di Yoab, tabata hefe di e tres balentenan akí. Un bia el a ataká 300 hòmber ku su lansa i a derotá nan. Asina el a haña mes tantu fama ku e Trio famoso.

21E tabata esun di mas famoso den e tres balentenan, te ku el a bira nan hefe, pero e no por a kompetí ku e Trio.

22Tambe tabatin Benayahu, yu di Yoyada, un hòmber mashá balente di e pueblo Kabseel; el a logra hasi hopi hazaña. T'e a mata e dos hòmbernan yamá ‘Leon di Moab’. T'e tambe, un dia ku tabatin sneu, a laga su mes sak den un renbak i a mata un leon ku tabata eiden.

23E mes Benayahu ei a derotá un egipsio, grandi manera un kas, algu mas ku dos meter altu, ku tabata armá ku un lansa diki manera un balki. Benayahu a bai riba dje ku un palu, ranka e lansa kita for di su man i mat'é ku su mes lansa.

24Kosnan asina Benayahu tabata hasi; el a haña hopi fama serka e tres balentenan.

25El a risibí mas honor ku e trinta òfisirnan, pero e no por a igualá e famoso Trio. David a dun'é mando riba su warda personal.

26Na e grupo di balente akí tambe tabata pertenesé:

Asael, ruman di Yoab;

Elhanan, yu di Dodo di Betlehèm;

27Shamot di Harod;

Hèlès di Bet-Pèlèt;

28Ira, yu di Ikesh di Tekoa;

Abiezèr di Anatot;

29Sibkai di Husha;

Ilai di Ahoag;

30Marai di Netofa;

Helèd, yu di Baana di Netofa;

31Itai, yu di Ribai, di Guibea na Benhamin;

Benayahu di Piraton;

32Hidai, di Roinan-di-Gaash;

Abiel di Bet-Arba;

33Azmawèt di Baharum;

Elyagba di Shaalbim;

34yu hòmbernan di Hashem di Guizon;

Yonatan, yu di Shagué di Harar;

35Ahíam, yu di Sakar di Harar;

Elifal, yu di Ur;

36Hefèr di Mekera;

Ahías di Bet-Pèlèt;

37Hèsro di Karmel;

Naarai, yu di Ezbai;

38Yoel, ruman di Natan;

Mibhar, yu di Hagri;

39Sèlèk di Amon;

Nagrai di Beerot, ayudante di Yoab, yu di Seruya;

40Ira di Yatir;

Gareb ku tambe tabata di Yatir;

41e hetita Urías;

Zabad, yu di Aglai;

42Adina, yu di Shisha i hefe di e tribu di Ruben; huntu kuné trinta hòmber mas;

43Hanan, yu di Maaka;

Yoshafat di Mitne;

44Uzías di Ashtarot;

Shama i Yeiel, yu di Hotam di Aroer;

45Yediael, yu di Shimri, i su ruman Yoha di Tis;

46Eliel di Mahanaim;

Yeribai i Yoshawías, yu di Elnaam;

Yitma di Moab;

47Eliel, Obed i Yaasiel di Soba.