1E ora ei Tobias a yama Rafael i bis'é:
2‘Ruman Azarías, bai ku kuater sirbidó i dos kamel serka Gabaèl na Rages; dun'é e komprobante, tuma e plaka i bini ku Gabaèl kasamentu.
3-4Bo sa ku mi tata ta konta e dianan ku mi t'afó; si mi keda un dia mas lo e bira mashá fèrdrit. Bo sa tambe loke Raguel a hura; mi no por bai kontra su huramentu.’
5Rafael a bai ku e kuater kriánan i e dos kamelnan Rages di Media. Ora nan a yega, nan a keda na kas di Gabaèl. Rafael a dun'é e komprobante i a kont'é ku Tobias, yu di Tobit, a kasa i ku e tin un invitashon di kasamentu p'e. Mesora Gabaèl a kuminsá konta e sakunan di plata ku nan seyo intakto ainda. Despues nan a buta nan riba e kamelnan.
6Su manisé nan a lanta trempan bai fiesta di kasamentu. Ora nan a yega kas di Raguel nan a haña Tobias sintá na mesa. El a lanta kumindá Gabaèl. Gabaèl a yora, bendishon'é i bis'é: ‘Yu ekselente di un hòmber ekselente, honrado i generoso. Ku SEÑOR laga bendishon di shelu baha riba bo i bo kasá i riba mama i tata di bo kasá. Dios sea bendishoná, pasobra mi a mira e portrèt bibu di mi primu Tobit.’
Who We AreWhat We EelieveWhat We Do
2025 by iamachristian.org,Inc All rights reserved.
