Hoséas 10 - Papiamentu Bible with DC 2013(PBDC13)

Dios ta kastigá Israel pa motibu di idolatria

1Israel tabata un mata di wendrùif ku hopi ranka,

ku tabata produsí fruta hechu.

Pero mas fruta e tabata haña,

mas altá e tabata konstruí;

mas próspero su pais tabata bira,

mas bunita e tabata traha su piedranan sagrado.

2Kurason di su habitantenan ta yen di engaño,

p'esei nan lo paga awor!

SEÑOR lo destruí nan altánan,

destrosá nan piedranan sagrado.

3E ora ei nan ta bisa:

‘Nos no tin rei mas,

pasobra nos no tabatin rèspèt di SEÑOR,

di pursi ta kiko un rei lo por hasi pa nos?’

4Nan boka ta yen di bunita promesa,

nan ta hasi huramentu falsu

i sera pakto.

I nan moda di mantené hustisia ta un mata venenoso

ku ta krese den roi di un kunuku.

5Habitantenan di Samaria ta preokupá

pa e toro yòn di oro

9SEÑOR ta bisa:

‘Den e pikánan ku nan a kuminsá kuné na Guibea,

e israelitanan a perseverá.

Na Guibea tambe guera lo afektá nan,

pasobra nan a keda un pueblo malbado.

10Mi a disidí di kastigá nan:

e pueblonan lo ranka sali huntu kontra nan

pa kastigá nan pa nan dòbel piká.

11Efraim tabata un baka yòn, bon itrèns,

ku tabata gusta bati trigo.

Pero Mi no a tene kuenta ku su nèk bunita:

Mi a pon'é dilanti di un garoshi,

Huda lo a plug,

Yakob lo a kibra e klòmpinan di tera.

12Mi a bisa: “Sembra hustisia

i lo bo kosechá amor,

kultivá e tera no usá.

Awor e tempu a yega

pa buska Ami, SEÑOR,

te ora Mi bini

i basha hustisia riba boso manera áwaseru.”

13Pero bo a plug piká,

kosechá maldat

i kome fruta di engaño.

Bo a konfia riba bo mes maneho,

riba e kantidat grandi di bo sòldánan;

14p'esei violensia di guera ta lanta kontra bo,

ta destruí tur bo fortalesanan,

manera a destruí Bet-Arbel,

tempu rei Shalman a konkist'é

i a plèchè mamanan,

huntu ku nan yunan.

15P'esaki boso mester gradisí Betel,

ku ta boso maldat grandi.

Ora di dia ta bai habri

boso rei ta muri.’