Predikador 6 - Papiamentu Bible with DC 2013(PBDC13)

1Mi a mira un kos malu riba e mundu akí ku ta pone hende sufri mashá.

2Dios ta duna un hende rikesa, gran poder i prestigio, tur loke e por deseá. Pero Dios no ta lag'é gosa di nan; na lugá di dje un strañero lo gosa di nan.Salmo 39:6 Esei ta sin sentido, un situashon di abusu, hopi di lamentá.

3Suponé ku un hende haña shen yu i un bida mashá largu, pero e no por gosa di nan i ni sikiera e n' ta haña un entiero. E ora ei pa mi un mucha ku a nase morto ta mas privilegiá.

4Pasobra ounke e mucha akí ta kai pèrdè den bashí, den skuridat, kaminda ta lubidá su nòmber,

5i ounke e no a haña chèns di mira solo ni sa nada, sikiera e tabatin mas trankilidat ku e hòmber aya,

6ku lo por a biba 2000 aña i sinembargo no por a disfrutá di su biennan. Bisa mi awor al fin i al kabo tur hende n' ta mes kaminda nan ta bai?

7Hende ta púluwe pa por kome,

pero nunka e no tin sufisiente.

8Ki bentaha hende sabí tin riba hende bobo?

Kiko un hende pober ta gana si e sa

kon e tin ku komport'é dilanti di otro hende?

9Mihó gosa di tur loke bo tin,

ku semper bai bo ke mas.

Esei tambe ta sin sentido,

bo n' ta gana nada k'esei.

10Pasobra kiko ku por pasa bo,

ta fihá mashá tempu pasá;

ta evidente tòg:

hende no por kompetí ku Dios,

ku ta mas poderoso.

11Mas bo papia riba e kos ei,

mas ko'i loko e ta bira.

I kiko bo ta gana?

12Pasobra ningun hende no sa kiko ta bon pa hende den e bida pasahero i kòrtiku akí; e ta pasa bai manera sombra.Job 8:9; 14:2; Salmonan 39:5-6; 102:11; 109:23 I ningun hende lo no por konta otro kiko lo pasa riba e mundu akí despues di su morto.