Salmo 84 - Papiamentu Bible with DC 2013(PBDC13)

SALMO 84Mi tin gana di biba den bo kas, SEÑORPa maestro di kanto. Na weis di Gat. Di yunan di Korag. Salmo.

1Est'un enkanto bo bibá ta,

o SEÑOR di universo!

2Mi alma ta muri di anhelo

pa plenchinan di tèmpel di SEÑOR;

mi kurason, sí, tur mi ser ta grita

di deseo pa Dios bibu.

3Mòfi mes ta haña un kas,

souchi ta traha su nèshi

pa buta su yunan aden:

serka bo altánan,

o SEÑOR di universo,

mi Rei i mi Dios!

4Felis t'esnan ku ta biba den bo kas

i por alabá Bo tur ora.

5Felis esnan ku den Bo ta haña forsa,

ku tin gana di kana bai bo tèmpel.

6Pasando den Vaye di Bálsamo,

nan ta kambi'é den oásis;

promé awa ta yen'é ku bendishon.

7Na kada paso nan forsa t'oumentá:

e Dios di diosnan ta aparesé na Sion!

8Skucha mi orashon, SEÑOR, Dios di universo,

tende mi, o Dios di Yakob!

9O Dios, nos Eskudo, pone tinu,

mira esun ungí ku bon wowo.

10Pasobra ún dia den bo plenchinan

bal mi mas ku mil pafó:

mihó para riba stupi di kas di mi Dios

ku biba den lugánan di maldat.

11SEÑOR ta un solo, un eskudo:

Dios ta duna su fabor i honor.

SEÑOR no ta nenga su biennan

na hende di kondukta sinsero.

12O SEÑOR di universo,

felis ta esun ku ta konfia den Bo!