Génesis 35 - Papiamentu Bible with DC 2013(PBDC13)

Dios ta bendishoná Yakob na Betel

1Dios a bisa Yakob: ‘Drecha pa bo bai biba na Betel. Traha na e lugá ei un altá pa Mi, e Dios ku a aparesé na bo, tempu bo tabata hui pa bo ruman Esou.’ pasobra tempu e tabata hui pa su ruman, Dios a aparesé n'e einan.

8Debora, e menchi ku a kuida Rebeka, a muri einan, i nan a der'é bou di un palu grandi serka di Betel. Yakob a yama e palu akí Alon Bahut: Palu di lágrima.

9Awor ku Yakob a bini bèk for di Padan-Aram, Dios a bolbe aparesé n'e i a bendishon'é

10asin'akí:

‘Bo yama Yakob, pero lo bo no yama asina mas, bo nòmber lo ta Israel.’

Asina Dios a dun'é e nòmber Israel,

11El a bis'é:

‘Mi ta Dios Todopoderoso;

yena mundu ku hopi desendiente.

Un nashon, sí, mas ainda,

un grupo di nashon lo ta bo desendiente

i asta lo tin rei den bo desendientenan.

12E tera akí ku Mi a duna Abraham i Isak,

Mi ta duna abo tambe,

i despues di bo, lo Mi duna bo desendientenanMorto di Raquel

16Despues nan a bai for di Betel. Un ratu promé ku nan a yega Efrata, Raquel a duna lus. Su parto tabata pisá.

17Na e momento mas difísil di e parto e partera a bisa Raquel: ‘No tene miedu, bo a bolbe haña yu hòmber.’

18Pero Raquel a sinti ku e tabata muriendo. Ku su último rosea el a yama e yu Bèn-Oni, pero tata di e yu a yam'é Benhamin.

19Asina Raquel a muri i nan a der'é kantu di e kaminda ku ta bai Efrata, ku awor ta Betlehèm.

20Yakob a lanta un piedra manera un pilá riba e graf di Raquel. E pilá akí ta indiká te awendia e graf di Raquel.

21Israel a sigui su biahe i a lanta su tènt un tiki mas leu ku e lugá Migdal-Edèr.

22Tempu Israel tabata biba na e lugá akí, Ruben a tene relashon ku Bilha, un di e konkubinanan di su tata. Israel a bin tende loke a pasa, el a haña e kos ei horibel.E yunan di Yakob(1 Krónikanan 2:1-2)

Yakob tabatin diesdos yu hòmber.

23E yunan ku e tabatin ku Lea tabata Ruben, su yu mayó; Simeon, Levi, Huda, Isakar i Zebulon.

24E yunan ku e tabatin ku Raquel tabata Jozef i Benhamin.

25Ku Bilha, e katibu muhé di Raquel, e tabatin Dan i Naftali;

26i e yunan ku e tabatin ku Zilpa, e katibu muhé di Lea, tabata Gad i Asher. Esaki ta e yu hòmbernan di Yakob ku a nase na Padan-Aram.

Morto di Isak

27Yakob a bai bishitá su tata Isak na Mamre, serka di e siudat Kiriat-Arba ku yama Hebron tambe. Ei Abraham i Isak a biba komo strañero.Génesis 13:18

28Isak a alkansá e bunita edat di 180 aña.

29Bieu i satisfecho el a bai sosegá serka su antepasadonan. Su yunan Esou i Yakob a der'é.