Sirag 45 - Papiamentu Bible with DC 2013(PBDC13)

Moises

1For di dje El a laga sali un hòmber deboto,

ku a gana simpatia di tur,

kerí serka Dios i serka hende.

Moises, di felis memoria.

2El a dun'é gloria igual na esun di angelnan,

su enemigunan tabatin mashá miedu di dje.

3Riba su palabra mesora Dios a hasi milager,

Dios a hasié grandi den bista di reinan,

dun'é mando riba su pueblo

i mustr'é algu di su Gloria.

4Pa su fieldat i humildat

El a skoh'é riba tur hende.

5El a lag'é tende su stèm,

hib'é den e nubia skur

i kara kara a dun'é su mandamentunan,

lei di bida i di konosementu,

p'e instruí Israel den e aliansa

i siña pueblo di Yakob su desishonnan.

Aaron

6Señor a alsa ruman hòmber di Moises

Aaron,

16Moises a skoh'é for di tur hende

pa ofresé sakrifisio na Señor,

perfume i holó dushi, pa hala atenshon di Señor,

pa haña pordon pa e pueblo di Israel.

17Moises a entreg'é su mandamentunan

i a dun'é poder den asuntunan di derecho i lei,

p'e siña e pueblo Dios su palabranan

i instruyé su leinan.

18Hendenan no outorisá a lanta kontra Aaron,

nan a bira yalurs riba dje den desierto;

rabia a drenta kurpa di e hendenan di Datan i Abiram

i di e aliadonan di Korag.

19Señor a ripará i E no a gusta e kos,

den su furia El a destruí nan.

El a hasi milager kontra nan

i a destruí nan den kandela.

20El a oumentá honor di Aaron

i a dun'é un herensia:

El a regal'é e promé parti di kosecha

i a reservá e pannan sagrado pa e saserdotenan.

21Nan tabata por kome di e sakrifisionan, ofresé na Señor;

esei El a duna Aaron i su desendensia.

22Pero a pèrmitié haña un parti

den e tera ku e pueblo a haña,

‘pasobra Señor mes ta bo parti i bo herensia.’Pinhas

23Pinhas, yu di Eleazar, ta bini na di tres lugá den e famosonan,

pasobra e tabatin zelo pa tur loke ta di Señor,

el a keda fiel, ora e pueblo a bira lomba.

El a mustra balor i zelo

i a logra rekonsiliashon pa Israel.

24P'esei Dios a sera un pakto di amistat kuné,

pon'é na kabes di e santuario i di e pueblo

pa e funshon di gransaserdosio pertenesé n'e

i na su generashon te den eternidat.

25Tambe Dios a sera un aliansa ku David,

yu di Ishai, di tribu di Huda;

pero dignidat di rei ta pasa di tata pa un yu hòmber,

miéntras e herensia di Aaron ta pasa pa tur su desendientenan.

Bendishon riba e gransaserdotenan

Anto awor, alabá Señor ku ta bon,

ku a koroná boso ku gloria.

26Señor duna boso kurason sabiduria

pa goberná su pueblo ku hustisia,

pa felisidat no bandoná boso nunka

i boso outoridat dura pa tur eternidat.