Mateo 17 - Papiamentu Bible with DC 2013(PBDC13)

Transfigurashon di Hesus(Marko 9:2-13; Lukas 9:28-36)

1Seis dia despues Hesus a kohe Pedro, Hakobo i Huan, ruman di Hakobo, i hiba nan riba un seru altu kaminda nan tabata nan so.

2Ei nan dilanti, El a kambia di aparensia. Su kara a kuminsá bria manera solo i su paña a bira briante manera lus.

3Diripiente nan a mira Moises i Elías ta papia ku Hesus.

4Pedro a bisa Hesus: ‘Señor, ta bon ku nos t'aki! Si Bo ke, mi ta traha tres tènt: un pa Bo, un pa Moises i un pa Elías.’

5Segun Pedro tabata papia, diripiente un nubia luminoso a bin para riba nan. Nan a tende un stèm for di den e nubia bisa: ‘Esaki ta mi Yu stimá, legria di mi kurason;Génesis 22:2; Salmo 2:7; Isaías 42:1; Mateo 3:17; 12:18; Marko 1:11; Lukas 3:22 tende di djE.’Deuteronomio 18:15; 2 Makabeonan 2:8

2 Pedro 1:17-18

6Ora e disipelnan a tende e stèm, nan a kai abou na suela, morto spantá.

7Hesus a aserká nan, mishi ku nan i bisa: ‘Lanta ariba, no tene miedu.’

8Ora e disipelnan a hisa kara, nan no a mira niun hende mas; Hesus so tabata serka nan.

9Ora nan tabata baha for di e seru, Hesus a ordená nan pa no konta niun hende nada di loke nan a mira, te dia Yu di hende, lanta for di morto.

10E disipelnan a puntra Hesus: ‘Di kon e dòktornan di lei ta bisa ku Elías mester bini promé?’Malakías 4:5; Sirag 48:10

11Hesus a kontestá: ‘Enberdat Elías ta bini promé i restourá tur kos promé.

12Pero Ami ta bisa boso: Elías a bini kaba,Mateo 11:14 ma nan no a rekonosé; nan a hasi kuné manera nan a haña ta bon i asin'ei Yu di hende tambe lo sufri na nan man.’

13E ora ei e disipelnan a bin komprondé, ku ta di Huan Boutista E tabata papia.

Hesus ta kura un mucha hòmber ku tabatin spiritu impuru(Marko 9:14-29; Lukas 9:37-43a)

14Ora nan a yega serka e multitut, un hòmber a aserká Hesus, hinka rudia su dilanti

15i bisa: ‘Señor, tene mizerikòrdia ku mi yu hòmber, e ta sufri hopi; e ta kai djimpi i vários be el a yega di kai den kandela i den awa.

16Awor mi a tres'é pa bo disipelnan, ma nan no por a kur'é.’

17E ora ei, Hesus a bisa: ‘Esta un generashon sin fe! Esta un generashon perverso! Ta kuantu tempu mas Mi tin ku keda huntu ku boso? Pa kuantu tempu mas Mi tin ku sigui soportá boso? Trese e mucha pa Mi!’

18Hesus a skual e demoño seriamente i el a sali for di e mucha. E mucha a kura for di e momento ei.

19E disipelnan a bin puntra Hesus den privá kon bini nan no por a saka e spiritu for di e mucha hòmber.

20Hesus a kontestá nan: ‘Pasobra boso ta hende di poko fe. Mi ta sigurá boso: si boso fe tabata mes chikí ku un pipita di mòster, boso lo a bisa e seru ei: “kita bai for di aki i bai aya!”, i e seru lo a hasié tambe.Mateo 21:21; Marko 11:23; 1 Korintionan 13:2 Nada lo no ta imposibel pa boso.’

Hesus ta bolbe konta di su morto i resurekshon(Marko 9:30-32; Lukas 9:43b-45)

22Ora e disipelnan a bini huntu na Galilea, Hesus a bisa nan: ‘Yu di Hende lo keda entregá den man di hende

23i nan lo mat'É, ma riba e di tres dia lo E lanta for di morto.’ E disipelnan a bira mashá tristu.

Hesus ta paga belasting di tèmpel

24Hesus a bai Kafárnao huntu ku su disipelnan. Ora nan tabata aya, e kobradónan di belasting di tèmpelÉksodo 30:13; 38:26 a bini serka Pedro i puntr'é: ‘Bo maestro no ta paga belasting di tèmpel?’

25Pedro a kontestá: ‘Kómpolaga!’ Ora Pedro a yega kas, Hesus a puntr'é, promé ku e mes por a bisa algu: ‘Kiko bo ta opiná, Simon: ken mester paga belasting na e reinan di e mundu akí? Nan yunan òf e strañeronan?’

26‘E strañeronan,’ Pedro a kontestá. E ora ei Hesus a bis'é: ‘Wèl, esei ta nifiká antó ku e yunan mes ta liber.

27Ma pa nos no ofendé e hendenan akí, bai lago i tira un liña. Saka e promé piská ku kome i habri su boka. Lo bo haña un moneda di plata ku ta sufisiente pa paga nos belasting. Koh'é i paga belasting pa nos tur dos.’