Sabiduria 17 - Papiamentu Bible with DC 2013(PBDC13)

Di sinku kontraste entre egipsionan ku israelitananSkuridat i lusSkuridat riba egipsionan

1Esta grandioso bo verediktonan ta, Señor, esta impenetrabel!

Nan ta konfundí hende sin sintí.

2Esnan ku a kere di tin bo pueblo den nan poder, ata awor nan mes tabata prezu di skuridat, prezu di un anochi sin fin. un kandela spantoso; den nan miedu pa e espektákulo nunka bisto akí nan lo a preferá e skuridat di promé.

7Mira e magonan ku nan trikinan bentá abou ei, yen di chèrchè a desenmaskará nan pretenshon di ta eksperto.

8Pasobra esnan mes, ku tabata kana broma ku nan por libra esnan ku ta mentalmente malu pa motibu di miedu i preshon, tabata malu awor ku un miedu ridíkulo.

9Ounke no tabatin nada pa hende tin miedu di dje, tòg nan tabata muri di spantu, ora un bestia pasa bai òf nan tende e zonido ku un kolebra ta hasi. Nan tabata asta kinipí nan wowo sera pa e skuridat, di kua tòg no tabatin skapatorio.

10Echo ta ku maldat di su mes ta kobarde, i ku esei e ta kondená su mes. Pasobra su konsenshi ta malu, e ta teme semper lo peor.

11Miedu no ta nada mas ku pèrdè kabes, keda sin laga bo sintí yuda bo.

12Ménos hende konfia riba su sano huisio, mas grandi su miedu ta bira, presisamente pasobra e no sa kousa di e miedu ei.

13E anochi ei antó — un anochi intolerabel, salí for di kuebanan di reino di morto intolerabel — e egipsionan tur a drumi mes intrankil.

14Sin ta fantasmanan horibel tabata spanta nan, ta desesperashon tabata paralisá nan. Diripiente, inesperá, miedu tabata poderá di nan.

15Meskos tabata sosodé ku e hendenan den kunuku: nan tabata mira nan mes prezu, será den un prizòn sin trali.

16Pasobra sea ku e tabata un kunukero, un wardadó di karné, òf un hende ku tabata traha den desierto, e anochi a sorprend'é i e mesun suerte inevitabel a tok'é. E mesun kadena di skuridat a mara tur hende na man ku pia.

17Sea ku tabata rosea suave di bientu

flùitmentu dushi di para den palu

ronkamentu di un riu buskando su kaminda

zonamentu di baranka di piedra ku ta kai

18shri-shri-shri di pata chikí di bestia

gritamentu duru di fiera ku ta yag

eko resonando fo'i den klof,

tur esei a laga nan paralisá di miedu.

19Pasobra mundu henter tabata bria den un klaridat lombrante i tur hende tabata trankil na trabou;

20solamente riba e egipsionan a sera un anochi pisá, imágen di e skuridat ku lo a guli nan; nan tabata mas sofokante pa nan mes ku e skuridat.