1Aki ta sigui e miembronan di e famianan di Aaron i Moises ku tabata biba den e tempu ku SEÑOR a papia ku Moises riba seru di Sinai.
2Ata e yu hòmbernan di Aaron: Nadab, e mayó, Abihu, Eleazar i Itamar. Nan mester a sòru pa e santuario.
29E generashonnan di e famia di Kehat tabatin nan kampamentu na parti zùit di e tènt di enkuentro.
30Nan hefe tabata Elisafan, yu di Uziel.
31Nan mester a sòru pa e arka di aliansa, mesa, kandelar, e altánan, tur otro opheto sagrado di uso i pa e kortina ku tabata tene e lugá kaminda e arka di aliansa ta for di bista. Esaki tabata nan trabou.
32Hefe prinsipal di e levitanan tabata Eleazar, yu di saserdote Aaron. E tabata kontrolá esnan enkargá ku kuido di santuario.
33E generashonnan di Magli ku Mushi tabata desendé di Merari.
34E total di nan hende hòmbernan di un luna bai ariba tabata 6200.
35E generashonnan di famia di Merari tabatin nan kampamentu na parti nort di e tènt di enkuentro. Nan hefe tabata Suriel, yu di Abihail.
36Nan mester a sòru pa e tablanan di e santuario, su balkinan, su pilánan, su pianan i tur loke tabata pertenesé na nan.
37Ademas nan mester a sòru pa e pilánan rònt di e plenchi rondó di e tènt, nan pianan, nan pènchinan i nan kabuyanan.
38Moises i Aaron ku nan yu hòmbernan tabatin nan kampamentu na parti ost, dilanti di entrada di tènt di enkuentro. Nan mester a sòru pa sirbishi den santuario na nòmber di e otro israelitanan. Si un hende no outorisá hasi esei, mester a mat'é.
39Total di hende hòmber levita di un luna bai ariba, ku Moises i Aaron riba òrdu di SEÑOR a inskribí segun nan generashon, tabata 22.000.
E levitanan ta tuma lugá di e yu hòmbernan promé nasí40E ora ei SEÑOR a bisa Moises: ‘Konta tur promé nasí hòmber di e israelitanan di un luna bai ariba i inskribí nan.
41Mi ta SEÑOR; apartá e levitanan pa Mi komo remplasante di tur israelita promé nasí i e bestianan di kria levita na lugá di tur promé nasí di e bestianan di kria israelita.’
42Moises a inskribí tur israelita promé nasí, manera SEÑOR a ordená.
43E total di nan promé nasínan hòmber di un luna bai ariba ku a keda inskribí tabata 22.273.
44SEÑOR a bisa Moises:
45‘Tuma e levitanan komo remplasante di tur israelita promé nasí i e bestianan di kria levita na lugá di nan bestianan di kria. E levitanan ta pertenesé na Mi. Ami ta SEÑOR.
46E 273 israelitanan promé nasí ku no tin levita pa remplasá nan, mester kumpra nan liber.
47Kobra pa persona sinku moneda di plata, kada un ku e peso ku ta kuadra ku e peso ofisial den santuario.
48Entregá e sèn akí na Aaron i su yunan pa kumpra e israelitanan ei liber.’
49Moises a rekohé e sèn di liberashon di e israelitanan promé nasí ku tabata di mas;
50tabata 1365 moneda di plata segun e peso ofisial den santuario.
51Kaba el a entregá e sèn akí na Aaron ku su yunan, manera SEÑOR a ordená.
Who We AreWhat We EelieveWhat We Do
2025 by iamachristian.org,Inc All rights reserved.
