1Hopi yu ta deseabel basta nan ta komportá,
sino no ta algu pa ta orguyoso di dje.
2Pa kuantu ku nan por ta,
ta te ora rèspèt pa Señor ta biba den nan
bo por ta kontentu ku nan.
3No konfia ku nan lo biba largu,
ni stèns riba nan kantidat grandi.
Un ta mihó ku mil
i muri sin tin yu ta mihó ku tin yu ku ta hasi maldat.
4Ún hende huisioso por mantené henter un siudat,
pero un grupo di bandidu ta kore ku tur hende.
Historianan di terkedat5Hopi kos asina m'a mira ku mi mes wowo
i kosnan pió ainda mi a lesa.
6Dios a manda kandela kontra e grupo malbado di Korag,
El a rabia ku e nashon rebelde.
7E no a pordoná e gigantenan di ántes
ku a rebelá ora nan a sinti nan fuerte.
8Tampoko E no a pordoná esnan ku tabata biba serka Lòt,
E tabatin asko di nan pa motibu di nan orguyo.
9E no tabatin kompashon ku Kanaan, nashon maldishoná,
El a destruí nan pa motibu di nan pikánan.
10Meskos asina a pasa ku e 600.000 den desierto
ku tabata tèrko i a rebelá.
11I maske ta un hende so lo tabatin ku tabata rebelde,
lo tabata straño si el a keda sin haña kastigu.
Pasobra den Dios tin mizerikòrdia i ira,
E ta generoso den duna pordon, pero E por baha su rabia tambe.
12Mes grandi ku su mizerikòrdia ta,
mes grandi su severidat tambe ta;
E ta husga hende segun nan echonan.
13Niun pekadó no ta hui bai ku su botin,
pero pasenshi di esun ku keda fiel na Señor
lo no ta enbano.
14Señor ta duna chèns pa kada bon obra,
kada hende ta haña pago segun su trabou.Hende ku ta kere ku Dios no ta mir'é
17No bisa: ‘Mi ta skonde pa Señor!
Ken eiriba lo kòrda riba mi?
Den e masa no ta mira mi tòg?
Kiko mi ta den e kreashon inmenso ei?’
18— Kòrda sí ku shelu, te e shelu di mas altu,
profundidat i tera,
tur ta tambaliá bou di su mirada.
19Serunan i fundeshi di tera ta sakudí i tembla
ora E mira nan. —
20‘Ai, hende no ta paga tinu riba e kos ei mes.
Ta ken tin atenshon pa loke Señor ta hasi?
21Mayoria di e kosnan ei ta skondí pa hende,
mes invisibel ku bientu.
22Ken ta proklamá e echonan hustu di Señor ainda?
Òf ken ta spera nobo?
E tempu ku El a sera e Aliansa ku nos ta mashá ten pasá.’
23Eseinan ta pensamentu di hende sin vishon;
hende bobo den nan eror ta pensa asina.
HIMNO RIBA KREASHONKreashon24Skucha, mi yu, laga siña bo
i tuma mi palabranan na pechu.
25Enseñansa bon balansá lo mi duna,
kompartí mi konosementu na un manera modesto.
26Ora Dios a krea su obranan na kuminsamentu,
El a duna kada un su lugá.
27Mundu selestial El a duna un lugá pa eternidat,
pa semper El a duna kada un un tempu pa goberná.
Nan no ta sinti hamber ni ta kansa,
ni nunka ta keda sin hasi nan trabou.
28Niun di nan no ta stroba otro,
ni nunka ta desobedesé òrdu di Dios.
29Despues di esaki Dios a fiha su bista riba tera
i a yen'é ku su biennan.
30El a kubri tera ku tur sorto di ser bibu
i nan tur lo bolbe bira tera.
Who We AreWhat We EelieveWhat We Do
2025 by iamachristian.org,Inc All rights reserved.
