Echonan 8 - Papiamentu Bible with DC 2013(PBDC13)

1Saulo tabata di akuerdo pa mat'é.

Riba e mesun dia un persekushon grandi kontra e iglesia na Herusalèm a kuminsá. E kreyentenan, ku eksepshon di e apòstelnan, a plama rònt region di Hudea i di Samaria.Felipe, un otro di e shete ayudantenanFelipe ta gana Samaria pa Mesias

4Esnan ku e persekushon a plama fo'i otro a prediká e bon notisia tur kaminda ku nan a pasa.

5Asina Felipe a yega e siudat Samaria i prediká Mesias aya.

6Ora e hendenan tabata mira e milagernan ku e tabata hasi i tabata tend'é papia, nan tabata keda fasiná pa loke e tabata bisa.

7Bou di gritamentu duru spiritu impuru tabata sali for di hopi hende, i hopi hende lam i koho tabata haña nan kura.

8P'esei tabatin hopi legria den e siudat ei.

Un praktikante di magia ke keda ku su influensia

9Den siudat tabatin un hòmber yamá Simon, ku ántes a laga e samaritanonan keda babuká ku su magia. E tabata deklará ku e ta un hende importante.

10Tur hende den siudat, for di e klase mas abou te esun mas altu, tabata bou di su influensia; nan tabata bisa: ‘E ta un manifestashon di e gran poder di Dios.’

11Nan tabata dediká mashá atenshon n'e, pasobra pa un tempu largu el a laga nan keda enberdat babuká ku su práktikanan di magia.

12Ma ora nan a kere Felipe su mensahe tokante reino di Dios i nòmber di Hesus, hende hòmber i hende muhé a laga batisá nan.

13Simon tambe a kere i a laga batisá su mes, despues di esei e no ker a kita fo'i bisindario di Felipe. El a keda babuká di mira e milagernan, e señalnan di gran poder.

14Ora e apòstelnan na Herusalèm a tende ku e samaritanonan a risibí palabra di Dios, nan a manda Pedro i Huan serka e hendenan ei.

15Nan a bai i resa pa e hendenan risibí Spiritu Santu,

16komo ku Spiritu Santu no a baha riba niun di nan ainda. Ta boutismo den nòmber di Señor Hesus so nan a risibí.

17E ora ei Pedro i Huan a pone man riba nan i nan a risibí Spiritu Santu.

18Simon a mira ku e kreyentenan a risibí Spiritu Santu ora e apòstelnan a pone man riba nan. El a ofresé e apòstelnan plaka

19i bisa: ‘Duna mi tambe e poder ei, pa ora mi pone man riba un hende, e por risibí Spiritu Santu.’

20Pedro a kontest'é: ‘Bai fièrnu ku bo plaka! Bo a kere ku bo por kumpra don di Dios ku plaka.

21Bo no tin arte ni parte den e obra akí, pasobra bo kurason no ta korekto den bista di Dios.

22Bandoná e pensamentu horibel ei i pidi Señor pordon pa loke a lanta den bo kurason.

23Pasobra mi ta mira ku bo tin simia di mata di venenu marga i ku bo ta pegá den piká.’ di reina, òf Kandake, di Etiopia, enkargá ku tesoro públiko. Despues di a bai Herusalèm pa adorá Dios,

28e tabata bai kas awor. Den su shèrs e tabata sinta lesa profeta Isaías.

29Spiritu Santu a bisa Felipe: ‘Bai kana banda di e shèrs.’

30Felipe a kore bai serka e hòmber i tend'é ta lesa profeta Isaías. El a bisa e ofisial: ‘Bo ta komprondé loke bo ta lesa?’

31E hòmber a kontestá: ‘Kon mi por komprond'é si niun hende no mustra mi kaminda?’ El a invitá Felipe subi sinta huntu kuné.

32E troso di Skritura ku e hòmber tabata lesa tabata:

‘Manera karné a hib'é matadero,

ketu manera un lamchi den man di su feitadó,

sin habri su boka.

33A humili'é

i ehekutá su sentensia.

Ken lo papia di su desendensia,

pasobra ta ranka a rank'é fo'i riba mundu.’

34E ofisial a bisa Felipe: ‘Bo por a splika mi ta di ken e profeta ta bisa e kosnan akí? Di e mes òf di otro hende?’

35E ora ei Felipe a kuminsá papia, i a base di e troso akí di Skritura el a prediká e bon notisia tokante Hesus.

36Siguiendo e kaminda nan a pasa un lugá ku awa. E ofisial a bisa: ‘Ata awa! Kiko por tin kontra pa mi batisá?’

38El a laga nan para e shèrs. Tur dos a baha den awa i Felipe a batisá e ofisial.

39Ora nan a sali for di awa, Spiritu di Señor a kohe Felipe bai kuné; i e ofisial no a mir'é mas. Yen di goso el a sigui su kaminda.

40Felipe mes a resultá na Ashdod; djei el a bai Sesarea i na kaminda e tabata prediká e bon notisia den tur siudat.