Numbernan 14 - Papiamentu Bible with DC 2013(PBDC13)

Rebeldia di pueblo(Deuteronomio 1:26-33)

1E ora ei henter e komunidat a kuminsá grita duru i nan a keda keha henter anochi.

2Tur e israelitanan a lanta kontra Moises i Aaron. Nan a bisa nan: ‘Mare nos a muri na Egipto òf aki den desierto mes!

3Pakiko SEÑOR ke hiba nos e pais ei? Nan lo mata nos ku spada i kohe nos muhénan ku nos yunan prezu. No ta mihó nos bai Egipto bèk?’

4I nan tabata bisa otro: ‘Laga nos mes skohe un hefe, bai Egipto bèk!’

5E ora ei Moises ku Aaron a bùig te na suela den presensia di henter komunidat.

6Yozue, yu di Nun, i Kaleb, yu di Yefune, dos di e hòmbernan ku a bai eksplorá Kanaan, a sker nan paña di fèrdrit.

7Nan a bisa henter e komunidat di israelita: ‘E pais ku nos a eksplorá ta demasiado bon.

8Si SEÑOR ke nos bon, E ta hiba nos e pais akí ku ta mana lechi i miel, i duna nos e.

9Pero no lanta kontra SEÑOR,Kontesta di SEÑOR: pordon i kastigu(Deuteronomio 1:34-40)

20E ora ei SEÑOR a bisa: ‘Mi ta pordoná nan manera bo a pidi.

21Pero mes sigur ku Mi ta biba i mi gran splendor lo yena henter mundu,

22-23mes sigur ningun di nan lo no drenta e pais ku Mi a primintí nan antepasadonan solemnemente. Nan a mira mi gran splendor i e señalnan milagroso ku Mi a hasi na Egipto i den desierto. Sinembargo ya nan a pone Mi dies bia na prueba i nan no a tende di Mi. Ningun di nan ku a despresiá Mi, no ta drenta e pais primintí.Hebreonan 3:18

24Pero pasobra mi sirbidó Kaleb tabatin otro pensamentu i a keda fiel na Mi, lo Mi hib'é e pais ku el a eksplorá i su desendientenan lo keda ku e pais.Yozue 14:9-12

25E amalekitanan ku e kanaanitanan ta biba den e vaye. Bira bèk mañan i bolbe drenta e desierto den direkshon di Laman Kòrá.’

26SEÑOR a bisa Moises ku Aaron:

27‘Kuantu tempu mas e pueblo malbado akí ta keda lanta kontra Mi? Mi a tende kon nan ta lanta kontra Mi.

28Bisa nan: “Asina SEÑOR ta bisa: Mes sigur ku Mi ta biba, mes sigur lo Mi hasi ku boso manera Mi a tende boso bisa.

29Den e desierto akí kadaver di tur esnan ku a lanta kontra Mi lo keda bentá, di tur esnan registrá, ke men di tur esnan ku tin binti aña bai ariba.Hebreonan 3:17

30Ningun di boso lo no drenta e pais ku Mi a primintí boso solemnemente komo lugá pa keda biba, ku eksepshon di Kaleb, yu di Yefune, i Yozue, yu di Nun.

31Lo Mi hiba boso yunan, ku segun boso nan lo kohe prezu aya. Ta nan lo siña konosé e pais ku boso a despresiá.

32Boso kadaver lo keda bentá den e desierto akí

33i kuarenta aña boso yu hòmbernan lo keda dualu den desierto pasa kastigu pa boso infieldat, te ora boso kadavernan kaba na nada.Echonan 7:36

34Kuarenta dia largu boso a eksplorá Kanaan, p'esei awor boso mester pasa kastigu kuarenta aña pa boso maldat, un aña pa kada dia. E ora ei boso lo sa, kiko ta nifiká: tin Ami, SEÑOR, kontra boso.

35Ami, SEÑOR, a papia, lo Mi hasi esaki sigur ku henter e pueblo malbado akí, ku ta lanta kontra Mi. Den e desierto akí nan lo haña nan fin, i muri einan.” ’

36I e hòmbernan ku Moises a manda bai eksplorá e pais, ku ora nan a bini bèk a pone henter e komunidat lanta ku Moises plamando tur sorto di rumor riba e pais,

37e plamadónan di tur sorto di rumornan ei SEÑOR a laga ku nan a muri un morto diripiente.

38Di tur e hòmbernan ku a sali bai eksplorá e pais ta Yozue, yu di Nun, ku Kaleb, yu di Yefune, so a keda na bida.

E pueblo ta desobedesidu atrobe(Deuteronomio 1:41-46)

39Moises a pasa e palabranan di SEÑOR pa tur e israelitanan i e pueblo a keda mashá abatí.

40E siguiente mainta trempan nan ker a drenta e region di seru. Nan a bisa: ‘Nos a peka. Pero awor nos ta kla pará pa sali bai e lugá ku SEÑOR a primintí.’

41E ora ei Moises a bisa: ‘Di kon boso ta bai kontra òrdu di SEÑOR? Boso lo no logra.

42No bai, pasobra SEÑOR no ta na boso banda. E enemigu lo derotá boso.

43Aya dilanti e amalekitanan ku e kanaanitanan ta pará kla pa bringa ku boso, mata boso. I komo boso a bandoná SEÑOR, ya E no ta ku boso mas.’

44Kaprichoso manera nan tabata, nan a subi seru tòg, pero e arka di aliansa i Moises no a sali for di kampamentu.

45E amalekitanan ku e kanaanitanan ku tabata biba den region di seru, a derotá nan i a persiguí nan te na Horma.