1Aki ta sigui e lista di e desendientenan di e tres yunan di Noe: Sèm, Ham i Yafèt. E desendientenan di Sèm, Ham i Yafèt a nase despues di diluvio.
2E yu hòmbernan di Yafèt tabata Gomèr, Magog, Madai, Yawan, Tubal, Mèshèk i Tiras.
3E yunan di Gomèr tabata Ashkanaz, Rifat i Togarma.
4E yunan di Yawan tabata Elisha, Tarsis, e kititanan i e rodanitanan.
5Nan desendientenan a plama i a bai biba na kosta i riba e islanan; kada nashon i kada tribu a bai biba den su mes tera i tabatin su mes idioma.
6E yunan di Ham tabata Kush, Egipto, Put i Kanaan.
7Yunan di Kush tabata Seba, Hawila, Sabta, Rama i Sabteka. Esnan di Rama tabata Seba i Dedan.
8Kush tabata tata di Nimrod, i Nimrod tabata e promé hòmber poderoso riba mundu.
9Den bista di SEÑOR Nimrod tabata un gran yagdó. P'esei e dicho: ‘E ta un Nimrod, un gran yagdó den bista di SEÑOR.’
10E promé siudatnan di su reino tabata Bábel, Erèk, Akad i Kalne, den region di Shinar.
11Ashur a sali for di e region akí i el a konstruí e siudatnan Nínive, Rehobot-Ir, Kalag
12i e siudat grandi Rèsèn, ku ta keda entre Nínive i Kalag.
13Di Egipto a nase ludita, anamita, lehabita, naftugita,
14patrosita, kasluhita i e kaftoritanan. For di e kaftoritanan e filisteonan a nase.
15Kanaan tabata tata di Sidon, ku tabata su promé yu, i tata di Hèt.
16Di Kanaan a nase e yebusita, amorita, guirgasita,
17hiwita, arkita, sinita,
18arwadita, semarita i e hamatitanan. Despues tur e famianan kanaanita a plama.
19Frontera di e region kaminda e kanaanitanan tabata biba ta kore for di Sidon, pasa Guerar yega Gaza, sigui den direkshon di e siudatnan Sódoma, Gomora, Adma i Seboim, te Lèsha.
20Esakinan tabata desendiente di Ham. Kada nashon i tribu den su mes tera, ku su mes idioma.
21Sèm, ku tabata ruman mayó di Yafèt, tambe tabatin yu. Tur e yunan di Ebèr tabata desendiente di Sèm.
22E yunan di Sèm tabata Elam, Ashur, Arpakshad, Lud i Aram.
23E yunan di Aram tabata Us, Hul, Guètèr i Mas.
24Arpakshad tabata tata di Shèlag i Shèlag tabata tata di Ebèr.
25Despues Ebèr tabatin dos yu hòmber: un tabata yama Pèlèg. Tempu di Pèlèg, e hendenan a plama for di otro. E ruman di Pèlèg tabata yama Yoktan.
26Yoktan tabata tata di Almodad, Shèlèf, Hasarmawèt, Yèrag,
27Adoram, Uzal, Dikla,
28Obal, Abimael, Seba,
29Ofir, Hawila i Yobab. Tur esakinan tabata yu di Yoktan.
30Nan tabata biba den e region ku ta kore for di Mesa te Sefar, den e serunan di oriente.
31Tur esakinan tabata desendiente di Sèm, kada nashon i kada tribu den su mes tera, ku su mes idioma.
32Tur esakinan tabata famia di kada yu di Noe, segun nan desendensia i nan lugá di biba. For di nan a bini tur e nashonnan ku despues di diluvio a plama riba mundu.
Who We AreWhat We EelieveWhat We Do
2025 by iamachristian.org,Inc All rights reserved.
