Hebreonan 1 - Papiamentu Bible with DC 2013(PBDC13)

Dios a papia pa medio di su Yu

1Promé aya Dios a papia hopi bia i na hopi manera ku nos antepasadonan pa medio di e profetanan,

2pero awor, den e delaster dianan, El a papia ku nos pa medio di su Yu. Dios a krea universo pa medio di djE i a dun'É tur kos pa semper den poseshon.

3Den djE gloria di Dios ta resplandesé, E ta semehansa di Dios su ser. Pa medio di su palabra poderoso

ni tampoko:

‘Ami lo ta un Tata p'E

i E lo ta un Yu pa Mi.’

6Pero, ora Dios a trese su Yu úniko na mundu, El a bisa:

‘Tur Dios su angelnan mester ador'É.’

7Di e angelnan E ta bisa:

‘E ta hasi su angelnan manera bientu fuerte,

su sirbidónan manera vlam di kandela.’

8Pero E ta bisa su Yu:

‘Bo trono, Dios, t'ei pa semper,

bo sèpter real ta un sèpter di hustisia.

9Bo stima hustisia i ta odia maldat.

P'esei Dios, bo Dios, a konsagrá Bo ku zeta,

señal di alegria, mas ku tur bo kompañeronan.’

10Tambe E ta bisa:

‘Señor, Bo a funda mundu den prinsipio,

shelu ta obra di bo man.

11Nan lo peresé, ma Abo ta keda,

tur lo gasta manera pañ'i bisti.

12Lo Bo dobla nan manera un mantel,

kambia nan manera paña.

Ma Abo ta keda semper meskos,

lo no tin fin na bo añanan.’

13Pero E no a yega di bisa niun angel nunka:

‘Sinta Bo aki na mi man drechi,

miéntras Mi ta hasi bo enemigunan

un banki pa bo pia sosegá.’

14Pasobra tur e angelnan ta spiritu den servisio di Dios,Tobit 12:15; Mateo 4:11; Lukas 1:19 ku E ta manda bai sirbi esnan ku lo risibí salbashon.