1Ora nan a yega Ekbátana, Tobias a bisa: ‘Ruman Azarías, hiba mi mesora na kas di Raguel, nos famia.’ E ora ei e angel a hib'é kas di Raguel. Nan a haña esaki sintá den porta na entrada di su kas. Nan a kumind'é promé. El a rospondé nan: ‘Bon dia, rumannan, bonbiní!’ El a invitá nan drenta.
2Raguel a bisa su kasá Edna: ‘E yònkuman ei ta parse mi famia Tobit mashá.’
3Edna a puntra nan: ‘Di unda boso ta, rumannan?’ Nan a kontestá: ‘Nos ta di tribu di Naftali, i nos ta biba den eksilio na Nínive.’
4‘Boso konosé mi famia Tobit antó?’ Nan a kontestá: ‘Sigur, no.’
5‘Kon ta kuné, e ta bon?’ Nan a kontest'é: ‘E ta na bida ainda i bon di salú.’
Raguel a bis'é: ‘Bon, lo mi hasié. Manera ta pará den buki di Moises i komo Dios a ordená pa entregá bo e, mi ta hasié.Génesis 24:50-51; Numbernan 36:6-9 Tuma bo famia Sara antó. Djawe padilanti lo bo ta su esposo i e lo ta bo esposa. Fo'i djawe e ta di bo, pa semper. Mi yu, Dios den shelu yuda boso awe nochi, mustra boso su amor i duna boso bienestar.’
13Raguel a yama su yu Sara. Ora Sara a bini el a koh'é na su man, entreg'é na Tobias i bisa: ‘Mi ta entregá bo Sara segun lei i manera ta pará den e dekreto skibí den buki di Moises, ku ta ordená pa mi duna bo e komo esposa. Tum'é i bai sano i salvo kuné serka bo tata. Ku Dios den shelu duna boso bienestar.’
14Despues Raguel a yama e mama, pidié trese un blach'i papel; riba dje el a skibi e kontrato di matrimonio, kaminda e ta konfirmá ku el a entregá su yu pa e ta esposa di Tobias, manera lei di Moises ta ordená. Despues di esei nan a kuminsá kome.
15Ora a kaba, Raguel a yama su kasá Edna i a bis'é: ‘Dushi, drecha e otro kuartu i hiba Sara ayaden.’
16Edna a bai i prepará e kuartu manera Raguel a pidié, i a hiba su yu aya; el a kuminsá yora pa su motibu. Despues el a seka su lágrimanan i a bisa e yu:
17‘Tene kurashi, mi yu. SEÑOR di shelu i tera duna bo alegria na lugá di tristesa. Tene kurashi, mi yu.’ I el a sali bai.
Who We AreWhat We EelieveWhat We Do
2025 by iamachristian.org,Inc All rights reserved.
