Zakarías 13 - Papiamentu Bible with DC 2013(PBDC13)

1E dia ei un fuente lo brota pa laba e pikánan i impuresanan di desendientenan di David i di habitantenan di Herusalèm.’Ta purifiká e pais di idolatria i profetanan falsu

2SEÑOR soberano ta deklará: ‘Den e tempu ei Mi ta laga diosnan falsu disparsé for di den pais. Nan rekuerdo lo disparsé. Mi ta laga profetanan ku ta papia pa medio di un spiritu impuru, tambe disparsé for di den e pais.

3Si akaso un hende pasa pa profeta, su propio mama i tata lo bis'é: “Bo no por keda na bida, pasobra bo a saka mentira usando nòmber di SEÑOR.” Su propio mama i tata lo hink'é mata, pasobra el a pasa pa profeta.

4Den e tempu ei profetanan no ta tribi bini dilanti ku nan mes vishon. Nan no ta bisti mantel di profeta pa gaña hende.

5Nò, un profeta lo bisa: “Mi no ta profeta, mi ta kunukero, ten 'i mi ten nan a bende mi komo katibu.”

6I si un hende puntr'é: “Ta kiko e markanan ei na bo lomba ta?”, e ta rospondé: “Ta durante un pelea ku mi amigunan mi a haña nan.” ’

Ta purifiká loke sobra

7SEÑOR soberano ta deklará: ‘Spada, lanta kontra mi wardadó, e hòmber mas yegá na Mi. Mat'é, e ora ei e karnénan lo plama fo'i otro.Mateo 26:31; Marko 14:27 Mi mes ta bai lanta, asta kontra esun di mas chikí den nan tambe.’

8SEÑOR ta deklará: ‘Dos terser parti di habitantenan di henter e pais lo peresé. Un terser parti lo sobra i lo Mi purifiká nan,

9manera ta purifiká oro i plata den krosèt.Isaías 1:25; 48:10 E ora ei nan lo resa na Mi i Ami lo rospondé nan. Lo Mi bisa: “Nan ta mi pueblo.”Hoséas 2:23 I nan lo deklará: “SEÑOR ta nos Dios.” ’