Deuteronomio 22 - Papiamentu Bible with DC 2013(PBDC13)

Responsabilidat pa propiedat di otro hende

1Suponé ku bo deskubrí un baka òf un karné ku a pèrdè kaminda i ku ta propiedat di un otro israelita. No bula pipa pa bo deber, pero hiba e bestia bèk pa su doño.

2Si e doño ta biba muchu leu òf bo no konos'é, kuida e bestia te ora e bin busk'é.

3Meskos ta konta pa ora bo haña un hende su buriku òf mantel òf algu otro ku el a pèrdè, no ta importá kiko e kos ta. No bula pipa pa bo deber.

4Suponé ku riba kaya bo ta mira buriku òf baka di un hende ta kai bou di su karga. No bula pipa e ora ei pa bo deber, pero yuda e hende lanta e bestia.Prohibishon pa bisti paña di e otro sekso

5Ta prohibí pa hende muhé bisti paña di hende hòmber. Ta prohibí pa hende hòmber bisti paña di hende muhé. Esnan ku hasi kos asina, ta repugná SEÑOR, boso Dios.

Protekshon pa para

6-7Suponé ku bo ta na kaminda i den un palu òf den kunuku bo ta deskubrí un nèshi ku un para riba webu òf ku un para ku ta kuida su yunan. E ora ei bo mag saka e yunan òf e webunan, pero bo mester laga e mama bula bai. Ta prohibí pa bo kohe e mama ku e yunan òf e webunan. Es ku aten'é na e regla akí, lo biba largu i felis.

Un dak mester ta seif

8Suponé ku bo ta trahando un kas. Pone e ora ei un protekshon na rant di henter e dak plat. Pasobra si un hende kai for di e dak i e muri despues, abo ta responsabel.

Kombinashon prohibí

9No sembra simia di otro mata den boso hòfi di wendrùif. Sino henter boso kosecha ta bai santuario: no solamente produkshon di e otro mata, pero e wendrùifnan tambe.

10No span un bue ku un buriku dilanti di un plug.

11No bisti paña trahá di dos diferente tela.Preskripshon pa pega kuashi na e paña djariba

12Pega kuashi na e kuater puntanan di bo mantel.Regla pa protegé birginidat di muhé resien kasá

13Suponé ku un hòmber kasa i despues di tene relashon seksual ku su esposa, ta pèrdè tur amor p'e.

14E ta akusá su esposa di mal komportashon i ta dun'é mal nòmber dor di pretendé ku ora el a tene relashon ku su esposa, el a ripará ku e no tabata señorita.

15E ora ei mayornan di e mucha muhé mester bai porta di siudat, kaminda e ansianonan ta hasi hustisia, i duna nan e prueba ku e mucha muhé a kasa señorita.

16E tata mester bisa nan: “Mi a kasa mi yu ku e hòmber akí, pero el a pèrdè tur amor pa mi yu

17i ta akus'é di mal komportashon. E ta pretendé ku mi yu no tabata señorita ora el a kasa kuné. Pero e sanger riba e paña akí ta demostrá lo kontrario.” Dilanti di e ansianonan nan ta habri e paña ku e pareha a drumi ariba e nochi di boda.

18E ora ei e ansianonan mester laga duna e hòmber un bon halá di sota,

19mas un but di shen moneda di plata, ku e mester paga tata di e mucha muhé. Tur esei pasobra el a daña nòmber di un mucha muhé israelita, ku tabata señorita ainda. E mucha muhé ta keda su esposa; e hòmber lo no por divorsiá nunka for di dje.

20Pero suponé ku e akusashon ta bèrdat, suponé ku e mucha muhé a resultá di no tabata señorita e nochi di boda.

21Den e kaso ei e hòmbernan di e siudat mester tira e mucha muhé ku piedra mata dilanti di port'i kas di su mayornan. Pasobra el a hasi algu skandaloso na Israel. Tempu e tabata ainda na kas di su mayornan el a kometé algu inmoral. Kaba asina ku e maldat ku tin serka boso.Kòrtamentu di orea i violashon

22Suponé ku haña un hòmber drumí ku esposa di un otro hòmber. Mester mata nan tur dos; no solamente e hòmber ei pero e muhé kasá tambe. Kaba asina ku e maldat ku tin serka boso.

23Suponé ku un hòmber topa un mucha muhé komprometé pa kasa i paden di e murayanan di siudat haña nan dos den kama.

24Hiba nan tur dos porta di siudat i tira nan ku piedra mata.Relashon matrimonial prohibí

30 Ta prohibí pa kasa ku kasá di bo tata, pasobra asina bo ta violá honor di bo tata.