Salmo 127 - Papiamentu Bible with DC 2013(PBDC13)

SALMO 127Konfia den Dios su providensiaKantika di peregrinashon. Di Salomon.

1Si n' ta SEÑOR ta traha e kas,

trahadónan ta traha pòrnada.

Si n' ta SEÑOR ta warda siudat,

guardia ta warda enbano.

2Pòrnada bo ta drumi te lat

kansa kurpa pa e pan ku bo ta kome:

Dios ta dun'é na su amigunan den soño!

3Yunan ta un regalo di SEÑOR,

nan t'un berdadero bendishon.

4Manera flecha den man di un guerero

ta yunan, engendrá den hubentut.

5Ki felisidat pa un hòmber

si e por yena su baliña ku nan!

Nan kara lo no keda na bèrgwensa

ki ora ku nan pleita nan kaso

dilant'i enemigu den korte.