1Ora David a bira bieu i su dianan tabata kontá, el a nombra su yu Salomon komo rei di Israel.
2E ora ei el a laga tur lider di Israel, saserdote i levita bini huntu.
3El a laga konta tur levita hòmber di trinta aña p'ariba. Nan a konta un kantidat di 38.000 hende.
4Di e hòmbernan akí David a nombra 24.000 pa sirbishi di tèmpel, 6000 komo atministradó i hues,
54000 pa bira guardia na entradanan di tèmpel i 4000 komo músiko. Nan mester a alabá SEÑOR dor di toka e instrumèntnan ku David a laga traha ku e meta ei.
6David a parti nan den grupo segun nan desendensia di Guershon, Kehat i Merari, yunan di Levi.
7Na famia Guershon tabata pertenesé: Ladan i Shimi.
8Yehiel, Zetam i Yoel tabata desendiente di Ladan. Yehiel tabata esun mas importante.
9Ademas tabatin Shelomit, Haziel i Haran; nan tres tabata yu di un otro Shimi. Tur e hòmbernan akí tabata kabes di famia Ladan.
10Yahat, Ziza, Yeus i Berías tabata desendiente di e promé Shimi.
11Yahat tabata esun mas importante, siguí pa Ziza; pero Yeus i Berías no tabatin hopi desendiente, p'esei a forma ún grupo di nan famianan.
12Kehat tabatin kuater yu hòmber: Amram, Yishar, Gebron i Uziel.
13Amram tabata tata di Aaron i Moises. Aaron i su yu hòmbernan a haña un tarea spesial. Nan mester a dediká nan mes pa semper na sirbishi den e lugá santísimo. Riba altá nan mester a kima ofrendanan hasí na SEÑOR,
Who We AreWhat We EelieveWhat We Do
2025 by iamachristian.org,Inc All rights reserved.
