Sabiduria 6 - Papiamentu Bible with DC 2013(PBDC13)

II. ELOGIO DI SABIDURIAReinan mester buska sabiduria

1Skucha, o reinan, pone tinu:

ata un mensahe pa boso ku ta goberná henter mundu.

2Tende bon, boso tur ku ta manda riba hopi hende

i ku ta blòf di tin míles i miónes di súpdito.

3E poder ku boso tin ta regalo di Señor;

tur boso dominio ta bini di Altísimo.

T'E lo saminá boso obranan i intenshonnan.

4Siendo únikamente sirbidó di su reino,

boso no a goberná manera mester ta,

boso no a kumpli ku lei, ni a biba segun Dios su boluntat.

5Di gòlpi i na un manera teribel Dios lo reis riba boso;

un huisio sin mizerikòrdia lo ta suerte di shonnan grandi.

6Pa esnan humilde lo tin grasia i pordon;

ma pa shonnan grandi, kastigu pisá.

7Señor di tur hende n' tin miedu di ningun hende

ni ta preokupá ku grandesa;

pasobra t'E a krea tantu grandi komo chikitu,

tur hende E ta kuida na un manera igual.

8Ma esnan sintá na un puesto mas altu

lo por konta ku un huisio mashá severo.

9Ta ku boso mi ta papia, shonnan poderoso:

pa boso bira mas prudente i no kai den piká.

10Esnan ku kumpli debidamente ku e leinan sagrado

lo ta kontá entre e pueblo santu;

esnan ku a laga kosnan sagrado instruí nan

semper lo ta kla pa duna kuenta di nan bida.

11P'esei sea ansioso pa skucha mi mensahe;

anhel'é, i boso lo bira hende huisioso.

Hende por haña sabiduria fásilmente

12Sabiduria ta radiante; e n' ta pèrdè su splendor.

Es ku stim'é ta kontempl'é fásilmente.

Es ku busk'é, ta hañ'é.

13E ta presentá su mes asina hende anhel'é.

14Si bo sper'é fo'i trempan, lo bo n' tin ningun problema.

Lo bo topa kuné sintá na bo porta.

15Pensa so bo pensa riba dje, ya bo ta mas ku prudente.

Es ku pa su motibu keda alerta pronto lo keda librá di tur ansha.

16E mes ta sali bai buska esun ku ta digno di dje,

e ta presentá su mes ku kariño riba kaminda

i djòin hende den tur loke hende pensa.E kaminda pa sabiduria

17Kuminsamentu di sabiduria ta e deseo sinsero di ke siña algu; si bo ke siña algu ya bo ta stima sabiduria;

18stima sabiduria ke men kumpli ku su leinan;Sirag 2:15-16; Huan 14:15 kumpli ku su leinan ke men sigurá inmortalidat,

19i inmortalidat ta aserká Dios.

20P'esei ta e deseo di tin sabiduria ta hasi un hende, rei di bèrdè.

21Si boso antó, shonnan grandi di mundu, ta stima korona i sèpter asina tantu, boso mester respetá sabiduria; e ora ei boso lo ta rei pa tur eternidat.

Testimonio di Salomon, e Sabio

22Lo mi konta kiko ta sabiduria i kon el a kuminsá; lo mi no skonde ningun sekreto pa boso, pero sigui su pista for di kuminsamentu di kreashon. Tur loke mi sa di dje lo mi pone den plena klaridat sin desviá niun stap for di e bèrdat.

23Envidia ku ta kome hende su paden lo no biaha den mi kompania, pasobra un aktitut asina no tin nada di aber ku sabiduria.

24Nò, t'un kantidat grandi di sabio ta salbashon di mundu i un rei sabí ta bienestar di su pueblo.Proverbionan 11:14; 24:6

25Laga mi palabranan instruí boso i boso lo tin probecho di nan.