Job 40 - Papiamentu Bible with DC 2013(PBDC13)

Dios ta reta Job pa e rospondé

1I SEÑOR a bisa Job:

2‘Abo ku ker a kuminsá un kaso kontra Ami,

Dios Todopoderoso,

ainda bo ta keda insistí

ku bo ke rospondé?’Job ta disidí di keda ketu

3E ora ei Job a kontestá SEÑOR:

4‘Kiko ami, ku no ta nada, por bisa?

No a keda mi nada otro

ku tapa mi boka ku mi man.

5Mi a papia diferente be,

pero awor sí no mas!’

Diskurso di SEÑOR: di dos partiDios ta puntra Job si Job por kastigá malbadonan

6E ora ei SEÑOR a kontestá Job ku stèm,

ku tabata sali riba e tormenta ku a lanta:

7‘Ken ta esun ku ta nubla e konsepto,

ku Mi ke pa hende tin di Mi,

papiando sin konosementu?

8Ta di bèrdè mes bo ke pretendé

ku Mi ta inhustu

i bo ke deklará Mi kulpabel,

pa bo mes sali liber?

9Akaso bo brasa ta mes fuerte ku di Mi?

Bo tambe por papia ku zonido tremendo?

10Ban mira, kubri bo mes ku poder i mahestat no,

mustra Mi ku bo ta grandi

i ku hende ta honra bo!

11Lòs bo furia lag'é bai, si bo por

djis drei wak kada persona orguyoso

i humili'é.

12Sí, djis drei wak kada persona orguyoso

i humili'é no;

plèchè e malbadonan unda ku bo haña nan.

13Dera tur den tera,

sera nan den prizòn di morto.

14E ora ei asta Ami lo honrá bo,

pasobra bo a vense ku bo mes forsa.

Dios ta invitá Job pa e sinta pensa riba e mònster Behemot

15Wak e animal grandi ei, yamá Behemot!

N' t'Ami t'esun ku a traha boso tur dos?

E ta kome yerba manera bue.

16Wak su kustianan fuerte,

su fuerte múskulonan di barika.

17Su rabu ta zoya manera palu di seder;

su bèl ta yen di múskulo.

18Su wesunan ta manera tubu di bròns,

su pianan manera bara di heru.

19E ta esun di mas grandi

di Dios su kriaturanan!

Ta su Kreador so por vens'é!

20Sí, enberdat, serunan ta proveé kuminda p'e,

miéntras ku e otro bestianan salbahe

por kore hunga trankil.

21E ta bai drumi bou di mata di sumpiña

o ta skonde den e kaña altu den muras.

22E mata di sumpiña i kaña kantu di riu

ta tap'é bou di nan sombra.

23Ora riu borotá, e no ta spanta;

e ta keda kalmu, maske ku riu Yordan

subi te na su boka.

24Ken lo por koh'é den trampa?

Lo bo por las'é i pasa kabuya dor di su nanishi?