1Ruben tabata yu mayó di Israel. Pero el a pèrdè su derechi di yu mayó pasobra el a drumi ku konkubina di su tata.
7Ademas den e registro di desendientenan di Ruben, e siguiente hòmbernan ku nan famia tabata inskribí: Yeiel, ku tabata na kabes, despues Zekarías,
8i Bèla, yu di Azaz i ñetu di Shema di famia di Yoel. E tribu di Ruben tabata biba na Aroer i den e region parti nort te na Nebo i Baal-Meon.
9Pero komo Guilead a bira chikí pa e kantidat grandi di bestia ku nan tabatin, nan a okupá e tera parti ost na rant di e desierto ku ta yega te na riu Eufrat.
10Tempu di rei Saul e hendenan di Ruben a bringa kontra hagritanan. Ora e hagritanan a kai den nan man, nan a okupá nan tera situá na ost di Guilead.
Desendientenan di Gad11E desendientenan di Gad tabata biba banda di tribu di Ruben den region di Bashan te na Salka.
12Yoel tabata na kabes. Shafan tabata na di dos lugá. Despues tabata sigui Yanai i Shafat. E famianan akí tabata biba na Bashan.
13Ademas tabatin shete otro kabes di famia: Mikael, Meshulam, Sheba, Yorai, Yakan, Zia i Ebèr.
14Nan tabata desendiente di Abihail, yu hòmber di Huri, i su antepasadonan di yu pa tata tabata: Yaroag, Guilead, Mikael, Yeshishai, Yagdo, Buz.
15Ahi, yu di Abdiel, ñetu di Guni, tabata kabes di famia.
16Nan tabata biba den teritorio di Guilead i Bashan, den e regionnan ku tabata pertenesé na e lugánan ei, i den tur e kunukunan di yerba na Sharon te kaminda esakinan tabata kaba.
17Nan a registrá tur e famianan den tempu ku Yotam tabata rei di Huda i ku Yerobeam tabata rei di Israel.
18E ehérsito di e tribunan di Ruben, di Gad i di e parti di Manase ku tabata biba na ost di Yordan tabata konsistí di 44.760 hòmber balente. Nan tabata armá ku eskudo, spada i bog.
19Nan a bringa kontra Yetur, Nafish i Nodab, tribu di hagritanan.
20Nan a pone nan konfiansa den Dios i a resa pidi su yudansa. Dios a skucha nan orashon, yuda nan den bataya di manera ku e hagritanan i nan aliadonan a kai den nan man.
21Nan a kita 50.000 kamel, 250.000 karné i 2000 buriku for di e hagritanan. Ademas nan a kohe 100.000 hòmber prezu.
22Hopi enemigu a muri pasobra SEÑOR a batayá na banda di e israelitanan. Nan a keda biba den e region ei te ora nan mes mester a bai den eksilio komo prezu.
E desendientenan di Manase na ost di Yordan23E miembronan di e mitar tribu di Manase tabata biba den region di Bashan te na Baal-Hermon, Senir i te na e serunan di Hermon. Nan tabata bira dia pa dia mas hopi.
24E kabesnan di famia tabata: Efèr, Yishi, Eliel, Asriel, Yirmeya, Hodavías i Yagdiel, hòmbernan balente, kabesnan di famia respetá.
25Pero nan a bira infiel na Dios di nan antepasadonan i a bai sirbi diosnan di e pueblonan ku Dios a kore kuné pa e israelitanan.
26P'esei Dios a laga rei Pul
Who We AreWhat We EelieveWhat We Do
2025 by iamachristian.org,Inc All rights reserved.
