Amos 2 - Papiamentu Bible with DC 2013(PBDC13)

1Skucha loke SEÑOR ta bisa:

‘Krímen riba krímen Moab di su antepasadonan

a pon'é kita for di bon kaminda.

Mi leinan el a despresiá,

mi mandamentunan el a rechasá.

P'esei Mi no ta spar Huda,

Mi ta kastig'é.

5Kandela lo Mi manda riba Huda,

ku lo destruí palasionan di Herusalèm.’Huisio di Israel

6Skucha loke SEÑOR ta bisa:

‘Krímen riba krímen Israel a montoná.

P'esei Mi no ta spar e,

Mi ta kastig'é.

Abo, Israel,

hende drechi bo ta bende komo katibu,

ora nan no por paga nan debe

i hende den nesesidat,

ku no por paga e sandalia na nan pia.

7Ansioso boso ta

pa bati kabes di hende pober den tera

i derecho di esnan ku no tin bos

boso ta trapa.

Tantu tata komo yu ta abusá

di e mesun katibu muhé

i di e manera akí

ta deshonrá mi nòmber santu.

8Banda di tur altá

boso ta kai drumi riba paña,

ku sa kita for di un pober komo pant;

den santuarionan boso ta bebe e biña

ku sa sobra komo but.

9Sinembargo Ami a yuda bo, Israel.

T'Ami a destruí e amoritanan,

grandi manera un kas,

fuerte manera baranka.

Mi a kaba ku nan na wèrki.

10Promé ku esei

Mi a saka bo for di Egipto,

guia bo kuarenta aña largu den desierto,

te dia Mi a duna bo tera di e amoritanan.

11Den bo yunan Mi a nombra profetanan

pa anunsiá mi mensahe

i nazireonan,Numbernan 6:1-8 ku fo'i nan hubentut

a konsagrá nan mes na Mi.

Bisa Mi ku no ta bèrdè, o pueblo di Israel.

Ami, SEÑOR, ta puntra.

12Pero boso a duna e hóbennan ei biña pa bebe

i a prohibí e profetanan papia den mi nòmber.

13Anto awor Mi ta trapa boso abou den tera.

Boso lo keda manera un garoshi,

kargá di mas ku trigo,

ku ta sofoká bou di su peso.

14E hòmber di mas lihé lo no por hui bai,

esun di mas fuerte lo no tin basta forsa

ni esun di mas poderoso lo no por salba su bida.

15E tiradó di flecha tampoko

lo no mantené su puesto

ni sòldá di kabayeria lo no salba su bida.

16Riba e dia pretu ei,

ora Mi manda kastigu,

e sòldá di mas balente

ta benta su armanan abou i hui bai.’

T'asina SEÑOR a papia.