Numbernan 25 - Papiamentu Bible with DC 2013(PBDC13)

E israelitanan ta adorá Baal-Peor, un dios falsu

1Tempu e israelitanan tabatin nan kampamentu na Shitim, nan a drenta ku e muhénan moabita.

2E muhénan tabata invitá pueblo di israel pa asistí na e sakrifisionan ofresé na nan diosnan. E israelitanan tabata kome karni di e sakrifisionan i adorá e diosnan ei.

3Di e manera ei Israel a drenta ku e dios Baal-Peor.

14E israelita ku a muri huntu ku e muhé midianita, tabata yama Zimri. E tabata yu hòmber di Salú, kabes di un famia di tribu di Simeon.

15E muhé midianita ku a muri, tabata yama Kozbi; e tabata yu muhé di Sur, un hefe di tribu di e midianitanan.

16SEÑOR a bisa Moises:

17‘Ataká e midianitanan i mata nan,

18pasobra nan a trata boso manera enemigu. Nan a lòk boso den trampa den e kaso di Baal-Peor i den e kaso di nan miembro di tribu Kozbi, yu muhé di un hefe di tribu midianita, ku nan a mata tempu tabata reina un plaga bou di boso pa motibu di Baal-Peor.’