1Felis ta un hòmber ku rèspèt pa SEÑOR,
ku ta stima su mandatonan di henter su kurason.
2Su yunan lo ta hende poderoso den pais,
generashon di piadosonan lo ta bendishoná.
3Rikesa i bonansa ta biba den su kas,
e bon ku e ta hasi lo keda pa semper.
4Pa bon hende un lus ta sali den tiniebla:
Esun piadoso, kompasivo i hustu.
5Felis t'esun ku tin heful i ku sa fia hende,
ma ta regla su asuntunan manera mester ta.
6Un hende asina nunka lo no faya;
semper nan lo sigui rekordá un hende hustu.
7Lo e no tin miedu di ningun mal notisia,
e ta sintié sigur konfiando den SEÑOR.
8Su kurason ta trankil, e no konosé miedu,
te ora, na final, e vense su enemigunan.
9E ta parti ku man generoso pa esnan ku tin mester,
e bon ku e ta hasi lo keda pa semper.
Ku dignidat e ta hisa su kara na laria.
10Un mal hende ku ta mira esei ta kunsumí,
e ta kome djente para kaba na nada.
Mal intenshon di pekadó ta frakasá.
Who We AreWhat We EelieveWhat We Do
2025 by iamachristian.org,Inc All rights reserved.
