Romanonan 4 - Papiamentu Bible with DC 2013(PBDC13)

Ehèmpel di Abraham

1Awor laga nos wak e kaso di Abraham, tata di nos pueblo. Kiko tabata su eksperensia?

2Si ta Abraham su mes esfuerso a pone ku Dios a asept'é komo hustu, lo e tabatin motibu pa broma! Pero e no tin motibu pa broma serka Dios!

3Pasobra Skritura ta bisa: ‘Abraham a kere Dios; Dios a tene kuenta ku su fe i konsider'é un hende hustu.’

9Awor e felisidat ei ta pa hende ku ta sirkunsidá so òf ta pa hende no-sirkunsidá tambe? Nos ta bisa ku Dios a tuma Abraham su fe na kuenta i asina a asept'é komo hustu.

10Pero ki ora Dios a tuma su fe na kuenta? Despues òf promé ku a sirkunsid'é? No despues, pero promé!

11El a haña e marka di sirkunsishon te despues,Génesis 17:10 komo prueba ku Dios a asept'é pa motibu di su fe, tempu e no tabata sirkunsidá ainda. Ke men, pa motibu di su fe Abraham a bira tata di tur ku tin fe, sin ku nan ta sirkunsidá. I asina Dios lo aseptá nan tambe.

12Anto Abraham ta tata di esnan ku no solamente ta sirkunsidá, pero ku ta sigui den su paso, esta den e fe ku e tabatin promé ku a sirkunsid'é.

Dios su promesa a duna Abraham fe

13Dios a primintí Abraham i su desendientenan ku nan lo haña mundu komo propiedat.Génesis 17:4-6; 22:17-18; Galatanan 3:29 Pero e promesa ei no tabata mará na kumplimentu ku Lei di Moises, pero na e echo ku Dios ta aseptá hende, basta nan kere den djE.

14Si kumplimentu ku Lei tabata un kondishon pa haña mundu komo propiedat, lo no tabata bale la pena tin fe i e promesa lo no tabatin balor.Galatanan 3:18

15Lei ta trese kastigu, pero kaminda no tin Lei, hende no por faya kuné tampoko!

16P'esei, pa e promesa hasí na Abraham por a konta sigur pa tur su desendientenan, e mester tabata un regalo di Dios, basá riba fe. E ta konta pa tur desendiente di Abraham, no solamente pa esnan ku ta obedesé Lei di Moises, pero tambe pa esnan ku fe den Dios manera Abraham. I Abraham ta tata di nos tur,Galatanan 3:7

17manera ta skibí den Skritura: ‘Mi a hasi bo tata di hopi nashon.’Génesis 17:5 E ta tata den bista di e Dios den kende el a pone su fe; e Dios ku ta duna morto bida i ta duna òrdu pa kos ku ainda no ta eksistí keda kreá.

18Ora ya no tabatin speransa mas pa un yu, tòg el a kere, el a karga speransa i asina a bira tata di hopi nashon, manera Dios a bis'é: ‘Asina tantu desendiente lo bo haña!’Génesis 15:5

19Abraham su fe no a kai, ounke e tabatin kasi shen aña di edatGénesis 17:17 i a ripará ku su kurpa a bira bieu kaba i ku Sara, su kasá, no por a haña yu mas.

20E no tabatin duda ni a deskonfiá loke Dios a primintí, al kontrario su fe a bira mas fuerte i el a alabá Dios,

21kompletamente konvensí ku Esun ku a duna su promesa tin poder tambe pa kumpli kuné.

22Pa motibu di su fe Dios a aseptá Abraham komo un hende hustu.

23Anto esaki no ta skibí pa Abraham so,

24pero pa nos tambe. Pues Dios ta tuma nos fe tambe na kuenta, basta nos kere den Esun ku a lanta nos Señor Hesus for di morto.

25Hesus a keda entregá na morto pa nos pikánanIsaías 53:4-5 i a lant'É for di morto pa Dios por aseptá nos komo hustu.