1Stima SEÑOR, boso Dios, sigui su òrdunan i kumpli ku su leinan, reglanan i mandamentunan tur dia bai.
2Ta boso i no boso yunan a eksperensiá kiko SEÑOR, boso Dios, ker a siña boso pa medio di su grandesa, su man fuerte, su man poderoso,
3su señalnan i su obranan. Boso a mira kon El a trata fárao, rei di Egipto, ku henter su pais.
18Graba e palabranan akí den boso kurason pa boso keda kòrda nan, mara nan manera un señal na boso man i laga nan ta un rekuerdo na boso frenta.
19Siña boso yunan e palabranan akí i papia di nan ora boso ta na kas i ora boso ta na kaminda, ora boso ta bai drumi i ora boso lanta.
20Skibi nan riba kozein di boso porta di kas i riba porta di siudat.Deuteronomio 6:6-9
21E ora ei boso i boso yunan lo biba largu den e pais ku SEÑOR a primintí boso antepasadonan. Boso lo keda biba aya tanten shelu ta riba tera.
22Pasobra si boso kumpli kuidadosamente ku henter e lei akí ku mi ta duna boso awe, si boso stima SEÑOR, boso Dios, sigui e kaminda ku E mustra boso i tene rèspèt di djE,
23e ora ei SEÑOR lo kore ku tur e nashonnan akí di manera ku boso por tuma e region di e nashonnan ku ta mas grandi i mas fuerte ku boso komo propiedat.
24Unda ku boso pone pia riba tera lo keda di boso. Boso fronteranan lo kore for di e desierto na zùit te Libanon na nort i for di riu Eufrat na ost te Laman Mediteráneo na wèst.
25Niun hende lo no por resistí boso;Yozue 1:3-5 SEÑOR, boso Dios, lo hinka miedu i spantu kaminda boso pasa den e pais, manera El a primintí boso.
26Wak! Awe mi ta laga boso skohe entre bendishon i maldishon:
27Bendishon si boso obedesé e mandamentunan di SEÑOR, boso Dios, ku mi ta duna boso awe;
28pero maldishon si boso no obedesé e mandamentunan di SEÑOR, boso Dios, i desviá for di e kaminda ku mi ta mustra boso awe, bai sirbi otro dios ku boso no konosé.
29Ora SEÑOR, boso Dios, kaba di hiba boso e pais ku boso lo tuma pa boso komo propiedat, destiná Guerizim pa bendishon i Ebal pa maldishon.Deuteronomio 27:11-14; Yozue 8:33-35
30Eseinan ta e dos serunan na otro banda di Yordan, na parti wèst di e kaminda ku ta pasa dor di vaye di Yordan; kaminda e kanaanitanan ta biba, enfrente di Guilgal, den bisindario di e palunan grandi di ekel na Morè.
31Boso ta na punta di krusa Yordan pa tuma e pais ku SEÑOR, boso Dios, ta bai duna boso. Ora boso tum'é komo propiedat i ta biba einan,
32kumpli kuidadosamente ku e leinan i reglanan ku mi ta duna boso awe.
Who We AreWhat We EelieveWhat We Do
2025 by iamachristian.org,Inc All rights reserved.
