1 Krónikanan 25 - Papiamentu Bible with DC 2013(PBDC13)

1David i e hòmbernan responsabel pa e sirbishi di tèmpel, a skohe e desendientenan di Asaf, Heman i Yedutun ku mester a alabá Dios ku nan kanto i kompañá nan kantamentu ku lira, arpa i platío.

Aki ta sigui lista di e hòmbernan ku tabata responsabel pa e sirbishi:

2e kuater yu hòmbernan di Asaf: Zakur, Yosef, Netanías i Asarela. Nan tabata bou di guia di Asaf ku riba òrdu di rei mester a alabá Dios ku kantika;

3e seis yu hòmbernan di Yedutun: Guedalías, Seri, Yeshaías, Hashabías, Matitías i Shimi. Nan tabata bou di guia di nan tata Yedutun. E mester a duna honor i alabansa na SEÑOR ku muzik di lira;

4e dieskuater yu hòmbernan di Heman: Bukiahu, Matanías, Uziel, Shebuel, Yerimot, Hananías, Hanani, Eliata, Guidalti, Romamti-Ezèr, Yoshbekasha, Maloti, Hotir i Mahaziot.

5Nan tur tabata yu di Heman, vidente den servisio di rei. Dios a primintí di hasié grandi den bista di hende; p'esei El a dun'é dieskuater yu hòmber i tres yu muhé.

6Tur e hòmbernan akí mester a kanta, bou di guia di nan tatanan Asaf, Yedutun i Heman, durante sirbishi den tèmpel di SEÑOR, kompañá pa platío, arpa i lira. Nan tatanan Asaf, Yedutun i Heman, tabata dirigí nan manera tabata stipulá pa rei di antemano.

7Na tur nan tabata 288 músiko ku eksperensia, ku nan famianan, kantornan bon prepará, kontá aden.

8Nan a tira lòt pa kada grupo haña sa nan turno, sea ku nan tabata yòn òf bieu, bon prepará òf ku nan tabata haña lès ainda.

9A repartí e 288 hòmbernan akí den bintikuater grupo, kada un di diesdos hende bou di guia di un lider. Esaki ta e sekuensia di e lidernan despues di a tira lòt:

Yosef di famia di Asaf

Guedalías

10Zakur

11Yisri

12Netanías

13Bukiahu

14Yesarela

15Yeshaías

16Matanías

17Shimi

18Azarel

19Hashabías

20Shubael

21Matitías

22Yeremot

23Hananías

24Yoshbekasha

25Hanani

26Maloti

27Eliata

28Hotir

29Guidalti

30Mahaziot

31Romamti-Ezèr.