1 Krónikanan 7 - Papiamentu Bible with DC 2013(PBDC13)

Desendientenan di Isakar

1Isakar tabatin kuater yu hòmber: Tola, Pua, Yashub i Shimron.

2Tola tabatin seis yu hòmber: Uzi, Refaías, Yeriel, Yagmai, Yibsam i Shemuel. Nan tabata kabes di famia Tola, hòmbernan balente. Den tempu di David nan desendientenan tabata 22.600.

3Uzi tabata tata di Yizraías. Yizraías i su kuater yu hòmbernan Mikael, Obadías, Yoel i Yishías. Nan tabata kabes di famia.

4Nan tabatin asina tantu kasá ku yu ku tur nan famianan por a manda 36.000 hòmber prepará pa bai guera.

5Nan rumannan di e otro famianan di tribu di Isakar tambe tabata hòmber balente. Na tur nan tabatin 87.000 hòmber registrá.

Desendientenan di Benhamin i Naftali

6Benhamin tabatin tres yu hòmber: Bèla, Bèkèr i Yediael.

7Bèla tabatin sinku yu hòmber: Esbon, Uzi, Uziel, Yerimot i Iri. Tur tabata kabes di famia, sòldá balente. Nan tabatin 22.034 hòmber registrá.

8Bèkèr tabatin nuebe yu hòmber: Zemira, Yoash, Eliezer, Elyoenai, Omri, Yeremot, Abías, Anatot i Alemèt. Tur tabata yu hòmber di Bèkèr.

9Den registro di nan desendientenan tabatin 20.200 hòmber balente inskribí, kabes di famia kontá aden.

10Yediael tabatin un yu hòmber Bilhan i Bilhan tabatin shete yu hòmber: Yeus, Benhamin, Ehud, Kenaana, Zetan, Tarsis i Ahishahar.

11Tur e ñetunan akí di Yediael tabata kabes di famia, sòldá balente. Den kaso di guera nan por a manda 17.200 hòmber servisio militar.

12Ir tabata tata di Shupim ku Hupim. Hushim tabata yu di un otro hende.

13Naftali tabata tata di Yagseel, Guni, Yesèr i Shalum. Nan wela tabata yama Bilha.

Desendientenan di Manase

14Ku su kasá Manase tabatin un yu hòmber, yamá Asriel. Ku su konkubina arameo e tabatin Makir, tata di Guilead.

15Makir a kasa ku Maaka, ruman muhé di Hupim i Shupim. Su di dos yu tabata Selofhat. Selofhat tabatin yu muhé so.

16Maaka, kasá di Makir, a haña dos yu hòmber; el a yama un Pèrèsh i e otro Shèrèsh. Shèrèsh tabatin dos yu hòmber, Ulam i Rèkèm.

17Ulam tabata tata di Bedan. Esakinan ta desendiente di Guilead, yu di Makir i ñetu di Manase.

18Makir su ruman muhé Molekèt a haña: Yishod, Abiezèr i Mala.

19Shemida a haña kuater yu hòmber: Agian, Shèkèm, Likhi i Aniam.

Desendientenan di Efraim

20E desendientenan di Efraim di tata pa yu ta: Shutelag, Bèrèd, Tahat, Elada, Tahat

21i Zabad. Fuera di Shutelag, Efraim tabatin dos yu hòmber mas: Ezèr i Elad. Ora e dosnan akí a baha bai Gat pa hòrta bestia, e habitantenan di Gat a mata nan.

22Nan tata Efraim a keda yora nan pa hopi tempu, su famianan a bin konsol'é.

23Despues ku tempu di rou a pasa, el a tene relashon atrobe ku su kasá. Su kasá a sali na estado i a haña un yu hòmber ku el a yama Berías, pasobra mala suerte a toka su famia.

24Berías tabatin un yu muhé, yamá Sheera. El a laga traha Bet-Horon Ariba i Bet-Horon Abou i tambe Uzen-Sheera.

25Berías tabatin dos yu hòmber tambe, Refag i Rèshèf. E desendientenan di Rèshèf di tata pa yu tabata: Telag, Tahan,

26Ladan i Amihud, Elishama i

27Nun. Nun tabata tata di Yozue.

28E desendientenan di Efraim tabata doño di e siguiente lugánan kaminda nan tabata biba tambe: Betel ku e pueblonan ku tabata pertenesé na dje, Naara ost di Betel, Guèzèr den direkshon wèst i Sihem i Aya den direkshon nort, kada un ku e pueblonan ku tabata pertenesé na nan.

29Miembronan di tribu di Manase tabata doño di Bet-Shean, Tanak, Megido i Dor, kada un ku e pueblonan ku tabata pertenesé na nan. Na e lugánan akí e desendientenan di Jozef, yu di Israel, tabata biba.

Desendientenan di Asher

30Asher tabatin kuater yu hòmber: Yimna, Yishua, Yishui i Berías, i un yu muhé, Serag.

31Berías tabata tata di Hèbèr i Malkiel, e fundadó di Birzait.

32Hèbèr tabatin tres yu hòmber: Yaflet, Shomer i Hotam, i un yu muhé ku yama Shua.

33Yaflet tabata tata di Pasak, Bimhal i Ashuat.

34Su ruman Shomer tabatin kuater yu hòmber: Ahi, Roga, Yehuba i Aram.

35Hotam tabatin kuater yu hòmber: Sofag, Yimna, Shèlèsh i Amal.

36E desendientenan di Sofag tabata: Suag, Harnefèr, Shual, Beri i Yimra,

37Bèsèr, Hod, Shama, Shilsha, Yitran i Beera.

38E desendientenan di Yètèr tabata: Yefune, Pispa i Ara.

39Ulam tabatin tres yu hòmber: Arag, Haniel i Risia.

40Tur esakinan tabata desendiente di Asher, kabesnan di famia sobresaliente, sòldánan balente i lidernan ekselente. Den registro di servisio militar tabatin 26.000 hòmber inskribí.