1Aki ta sigui lista di e desendientenan di Esou, tambe yamá Edom.
2Esou a kasa ku muhé di Kanaan:Génesis 26:34 ku Ada, yu muhé di Elon, un hetita; ku Oholibama, yu muhé di Aná i ñetu di Sibon, un hiwita;
3i ku Basmat, yu muhé di Ismael i ruman muhé di Nebayot.Génesis 28:9
4E yu hòmber ku Ada a duna Esou tabata yama Elifaz; Basmat a haña Reuel.
5Oholibama a haña Yeush, Yalam i Korag. Esakinan ta e yu hòmbernan di Esou, ku a nase tempu e tabata biba na e pais Kanaan.
6Esou a bai laga Yakob. El a bai biba ku su kasánan, ku su yunan hòmber i muhé, i ku tur esnan ku tabata biba huntu kuné na un otro lugá. El a bai ku tur su bestianan i ku tur loke el a logra optené na Kanaan,
7Esou a bai, pasobra loke e i Yakob tabatin, tabata asina tantu ku nan no por a keda biba huntu mas. Ademas e tera kaminda nan tabata biba no tabata produsí sufisiente kuminda pa tur nan bestianan.
8P'esei Esou, esta Edom, a bai biba den e serunan di region Seír.
9Ata lista di e desendientenan di Esou, tata di e edomitanan, ku ta biba den e serunan di Seír.
10Aki ta sigui e nòmber di e yu hòmbernan di Esou i nan yu hòmbernan: Elifaz, yu di Ada ku Esou; i Reuel, yu di Basmat ku Esou.
11E yunan di Elifaz tabata Teman, Omar, Sefó, Gatam i Kenaz.
12Elifaz tabatin un konkubina ku tabata yama Timna; Timna a dun'é un yu hòmber yamá Amalèk. Eseinan tabata e desendientenan di Ada, kasá di Esou.
13E yu hòmbernan di Reuel tabata Nahat, Zèrag, Shama i Miza; eseinan tabata e desendientenan di Basmat, e otro kasá di Esou.
14Oholibama tabata un otro kasá di Esou, i e yunan ku el a duna Esou tabata Yeush, Yalam i Korag. Oholibama tabata yu muhé di Aná i ñetu di Sibon.
15Den famia di Esou e siguiente hendenan tabata tata di tribu: Di e desendientenan di Elifaz, yu mayó di Esou, e tatanan di tribu tabata Teman, Omar, Sefó, Kenaz,
16Korag, Gatam i Amalèk. Esakinan tabata tata di tribu den e liña di Elifaz na e tera Edom. Nan tur tabata desendiente di Ada.
17Di e yunan di Reuel, yu di Esou, e tatanan di tribu tabata Nahat, Zèrag, Shama i Miza. Nan tabata tata den e liña di Reuel na e tera Edom i nan tabata desendiente di Basmat, kasá di Esou.
18Di e yu hòmbernan di Oholibama, yu muhé di Aná i kasá di Esou, e tatanan di tribu tabata Yeush, Yalam i Korag.
19Nan tur tabata tata di tribu edomita, desendiente di Esou.
20Esakinan ta e yunan di e horita Seír, e promé habitantenan di e pais: Lotan, Shobal, Sibon, Aná,
21Dishon, Ezèr i Dishan. Nan tabata tata di tribu di e horitanan, ku tabata desendiente di Seír, na e tera di Edom.
22E yu hòmbernan di Lotan tabata Hori i Hemam. Timna tabata ruman muhé di Lotan.
23E yu hòmbernan di Shobal tabata Alwan, Manahat, Ebal, Shefó i Onam.
24E yu hòmbernan di Sibon tabata Aya i Aná. Ta Aná a haña e brònnan ku awa kayente den desierto, ora e tabata kuida e burikunan di su tata Sibon.
25Aná tabatin un yu hòmber yamá Dishon i un yu muhé yamá Oholibama.
26E yu hòmbernan di Dishon tabata Hèmdan, Eshban, Yitran i Keran.
27E yu hòmbernan di Esèr tabata Bilhan, Zaawan i Akan.
28E yu hòmbernan di Dishan tabata Us i Aran.
29E tatanan di tribu di e horitanan tabata: Lotan, Shobal, Sibon, Aná,
30Dishon, Esèr i Dishan. Nan tabata tata di tribu di e horitanan, di famia pa famia, den e region di Seír.
31-39Awor ta sigui e reinan ku tabata goberná na Edom promé ku e israelitanan tabatin rei. Konsekutivamente a goberná:
Bèla, yu hòmber di Beor; su residensia tabata yama Dinhaba.
Yobab, yu hòmber di Zèrag, for di Bosra.
Husham, di e region Teman.
Hadad, yu di Bedad, ku a derotá e midianitanan na e tera Moab, Su residensia tabata yama Awit.
Samla for di Masreka.
Shaul di Rehobot, un pueblo pegá ku e riu.
Baal-Hanan, yu di Akbor. Hadar su residensia tabata yama Paú. Kasá di Hadar tabata yama Mehetabel; e tabata yu muhé di Matred i ñetu di Mezahab.
40Nòmber di e tatanan di tribu di Esou, segun sekuensia di famia, di lugá i di nòmber tabata: Timna, Alwa, Yetet,
41Oholibama, Ela, Pinon,
42Kenaz, Teman, Mibsar,
43Magdiel i Iram. Esakinan tabata tata di e edomitanan segun sekuensia di e lugánan kaminda nan tabata biba i ku tabata di nan. Esou ta tata di Edom.
Who We AreWhat We EelieveWhat We Do
2025 by iamachristian.org,Inc All rights reserved.
